بغلان ولایتی نینگ یشاووچیلر نابرقرارلیک و تینچسیزلیکلر یانیده جمعیت‌ده‌گی سلبی عرف و عادتلردن هم اذیت چیکه‌دیلر. قول صنعتی بیلن مشغول خاتین – قیزلر ایشلب چیقارگن قول صنعتلرینی ساتیش اوچون مخصوص مارکیت بولمه‌گن لیگی سبب بعضی بیر قیینچلیکلر بیلن روپه ره بولگنلر.
اما، یقینده پلخمری شهریده خاتینلرگه مخصوص بیر نیچه دکان آچیلگن. اوشبو دکانلرده خاتین – قیزلرنینگ قول صنعتلری محصولاتی ساتیله‌دی.
خاتینلرگه کوره، ایندی آچیلیب فعالیت‌گه باشله‌گن مذکور دکانلر عیاللر طرفیدن باشقریله‌دی. بو کیچیک بولسه هم خاتینلرنینگ ساحه‌ده‌گی بعضی بیر مشکللرینی برطرف قیلگن.
پلخمری شهریده‌گی ییگولیک آزیق آوقت ایشلب چیقاره دیگن ایشخانه‌نینگ مسوولی خانم وحیده سلام‌وطندارگه بیرگن مخصوص صحبتی‌ده، اوشبو ایشخانه‌ده تحصیل آلگن 20 خاتین ایش بیلن مشغول دیدی.
پلخمری شهریده‌گی قول صنعتی همده لباس ساتووچی دکاندارلردن بیری وجیهه سمندری، اوشبو دکانلر آچیلیشی بیلن بغلانلیک خاتین – قیزلرنینگ بو توغریده بولگن قیین چیلیکلری بیر آز کمه‌یگن دیگن. خان سمندری، بو قتلم مالی حمایت بولگن حالده، بغلان‌ده بو قبیل دکانلر سانینی آشیریله‌دی.
قول صنعتی محصولاتی‌نی ساتیب آلیش اوچون اوشبو دکانلرگه کیلگن قطار بغلانلیک خاتینلر، اوشبو دکانلردن آسوده‌لیک بیلن ایسته‌گن نرسه‌لرینی ساتیب آلیش‌گه قادر بوله‌دیلر.
بغلان خاتین – قیزلر اداره‌سی نینگ باشلیغی خدیجه یقین، خاتینلرگه عاید دکانلر همده ییگولیک آزیق آوقت ایشلب چیقاره دیگن ایشخانه‌لر ولایت عیاللری اقتصادی یخشی له‌نیشی اوچون کته ایجابی تاثیری بار دیدی.
