بغلان ولایتی عالی تینچلیک کینگشی فعالیت‌گه باشله‌گن‌دن بیری دولت مخالف‌لریدن 1200 کیشی تینچلیک لایحه‌سی‌گه قوشیلیب، قورال اسلحه لرینی ییرگه قویگن‌لر. بغلان ولایت کینگش کمیته‌سی نینگ اعضاسی بولردن 13 نفری دولت اعتبار قرتمه‌گنی سبب اولدیریلگن دیگن.
اوز نامی فاش ایتیلیشی‌نی ایستمه‌گن بغلان ولایت تینچلیک لایحه‌سی نینگ اعضالریدن بیری‌نینگ سلام وطندارگه ایتیشیچه، بغلان‌ده تینچلیک لایحه‌سی فعالیت‌گه باشلنگن دن بیری هنوزگچه 1200نفر دولت قوراللی مخالف‌لریدن تینچ لیک لایحه‌سی‌گه قوشیلگن.
بغلان تینچلیک لایحه‌سی‌نینگ مذکور اعضاسی، تنیچ‌لیک لاییه‌سیگه قوشیلگن دولت مخالف‌لری اوچون دولت آلتی آیگچه آیلیک تولش‌گه مجبور دیر. شونینگ‌دیک اولرگه ایش زمینه‌سی یره‌تیب بیریشی هم کیره‌ک.
شونینگ‌دیک منبع‌گه کوره، هنوزگچه تینچلیک لایحه‌سی‌گه قوشیلگن مذکور 13 طالب حکومت‌نی اعتبار قرتمه‌گن لیگی سبب طالب‌لر تامانیدن مذکورولایت‌ده اولدیریلگن‌لر.
بغلان تینچ لیک کمیته‌سی نینگ مذکور اعضاسی انه شو سبب هم دولت قوراللی مخالف‌لری تینچلیک برنامه‌سی‌گه قوشیلیش‌گه قیزیق میدیلر دیگن.
عین‌حالده، ولایت امنیه قوماندان‌لیگی نینگ سوزلاووچی‌سی احمد جاوید بشارت نینگ سلام وطندارگه ایتیشیچه، پولیس مذکور شخص‌لر امنیتی‌نی تامین قیلیش اوچون مسوولیتی‌لی ایمس دیگن.
شونینگ‌دیک جناب بشارت اولدیریلگن‌لر نا برقرار منطقه‌لرگه کیتگن‌لیک‌لری سبب اولدیریلگن لیک‌لرینی ایتگن.
ایتیلشیچه، تینچلیک لایحه‌سی‌گه قوشیلگن دولت قوراللی مخالف‌لری‌نینگ قوماندانی‌گه 13 مینگ و عسکرلریگه ایسه 8 مینگ افغانی توله‌نیله‌دی. بو مبلخ ولایت‌لر عالی تینچلیک کینگش اداره‌لری تامانیدن بیریله‌دی.
شونینگ‌دیک عالی تینچلیک کینگشی، تینچلیک لایحه‌سی‌گه قوشیلگن‌لرگه ایش زمینه‌سی یره‌تیب بیریش اوچون اولر بیلن همکارلیک قیله‌دی.
ایتلیشیچه، بغلان ولایت قیشلاق‌لرنی رواجلنتیریش اداره‌سی همکارلیگی بیلن هنوزگچه مذکور لایحه‌گه قوشیلگن 700 نفرگه ایش زمینه‌سی یره‌تیلگن.
