دوشنبهدن سهشنبه گه اوتر کیچه لوگر ولایتی نینگ مرکزی پلعلم گه تیگیشلی «خضر» منطقهسیده حربی کوچلرنینگ بیر قرارگاهی کیسکین حمایهوی کوچلر تامانیدن نشانگه آلینگن.
لوگر پولیسی سوزلاوچیسی شاپور احمدزی نینگ ایتیشیچه، بو هجوم ده 3 حربی عسکر هلاک و باشقه 4 عسکر یرهلنگن.
عین دمده، جناب احمدزی نینگ کوپهیتیریشیچه، اوشبو ولایتده کیسکین حمایهوی کوچلرنینگ کاروانی خودکش هجوم گه دوچ کیلگن.
اونگه کوره، اوشبو واقعه بوگون «سهشنبه، 21- عقرب» توشدن آلدین ساعت 11:00 اطرافیده ولایت مرکزی پلعلم گه تیگیشلی خضر منطقهسیده یوز بیرگن.
لوگر پولیسی سوزلاوچیسی شاپور احمدزی نینگ ایتیشیچه، اوشبو واقعه قربانلری توغریسیده حاضرگچه معلومات قولگه کیریتیلمهگن.
طالبان گروهی شامل حاضرگهقدر هیچ بیر گروه بو واقعه مسؤولیتینی بوینیگه آلمهگن.
شونینگدیک، کیسکین حمایهوی کوچلر یوز بیرگن ایکی واقعه توغریسیده فکر بیلدیرمهگن.
