بغلان ولایتی‌نینگ پلخمری شهری سمنت‌خانه منطقه‌سی یشاوچیلری‌نینگ سلام‌وطندارگه ایتیشیچه، مارینا اسملی بیر عیال ایری تامانیدن شفقت سیزلیک شکلده اولدیریلگن.
مارینانینگ قرینداشلریدن بولگن منصور، واقعه جریانینی بونده‌ی آچیقله‌یدی: «مارینا اویی‌گه مهمان بولیب کیلگن سینگلیسی‌گه بیران نرسه آلیش اوچون 500 افغانی بیره‌دی و بو موضوع مارینانینگ ایرینی اَچیقلنتیره‌دی و لفظی اوروش‌دن سونگ ایری اونی بوغیب اولدیره‌دی».
شونینگ‌دیک، مارینانینگ ایناغه‌سینی ایتیشیچه، سینگلیسی‌نینگ ایری اوزاق زمانلردن بویان سینگلیسی بیلن یخشی علاقه‌ده ایمس ایکن و هردایم ایریم مسئله‌لر اوستیگه اوروشیب و اونی کلتک‌لر ایکن. اونینگ ایتیشیچه، سینگلیسی بیش ییل‌دن بویان قرینداشلریدن بیری بشیر اسملی کیشی‌نینگ خاتینی بولگن و حاضر 3 باله‌سی بار.
مارینانینگ ایناغه‌سینی کوپه‌یتیریشیچه، اولر سینگلیسی و تورموش اورتاغی اورته‌سیده‌گی جنجل‌لردن خبردار ایکن، بیراق زمانه ننگی و سنتی مسئله‌لر سبب تینچ توریب و هیچ قچان اره‌لشمه‌گن‌لر. او، بغلان امنیتی رسمی‌لریدن سینگلیسی‌نینگ قاتلی‌گه جزا بیریشینی سوره‌یدی.
اوشبو واقعه‌نی تصدیق‌لگن بغلان پولیس قومندانلیگی سوزلاوچیسی ذبیح‌الله شجاع‌نینگ سلام‌وطندارگه ایتیشیچه، اولر بو قضیه توغری‌سیده مارینانینگ تورموش اورتاغینی قولگه آلگن‌لر و تیکشیروو اوتکزیلگنی‌دن کیین، عدلی و قضایی اداره‌لرگه تاپشیره‌دی.
