بغلان ولایتی تاش کومیر کانلری مسؤول‌لری‌نینگ ایتیشیچه، بیر ییل‌دن بویان کرکر و دودکش کانلری‌نینگ قازیب چیقاریش ایشی توخته‌تیلگن و بو کانلر گلبدین حکمتیارنینگ اسلامی حزبی قومندانی میرویس و دولت‌گه قرشی قوراللی‌لر تامانیدن تصرف ایتیلگن.
اوشبو موضوع‌نی تصدیق‌لگن بغلان کانلری باشلیغی شاه‌محمود فیض‌زادنینگ ایتیشیچه، بو کانلرنی قیته‌دن نظارت‌گه آلیش اوچون عملیات یولگه قوییلیشی خصوصیده، حکومت‌نینگ اراده‌سی یوق دیر.
جناب فیض‌زادگه کوره، اوشبو کانلر عصیانچیلردن تازه‌لنگن صورتده، تیکشیروولرینی قیته‌دن آلیب و قازیب چیقاریش ایشینی تیزلیک‌ده باشله‌یدیلر.
بیراق، مذکور کانلرنی تصرف ایتگن‌لیک‌که عیب‌لنگن اسلامی حزب قومندانی میرویس‌نینگ ایتیشیچه، انچه ییل‌لردن بویان بو کانلرنینگ خوفسیزلیگی‌نی اولر تأمین قیله‌دیلر.
اسلامی حزب قومندانی‌گه کوره، اوشبو کانلر قازیب چیقاریلیشی اوچون افغان‌کول شرکتی بیلن حکومت آره‌سیده شرطنامه امضالنگن، بیراق مذکور شرکت کانلرنینگ اسکونه‌لرینی اوغیرلب و نرسه لرینی سقلش‌ده بی‌فرق یانده‌شه‌دی.
اسلامی حزب قومندانی‌نینگ کوپه‌یتیریشیچه، افغان‌کول شرکتی شرطنامه اساسیده ایش قیلسه، اولرنینگ ایش دوامی‌گه هیچ بیر قیین‌چیلیگی یوق دیر.
اقتصادی ایش بیلرمان محمد رفیع محمدی‌نینگ ایتیشیچه، دولت بیلن اسلامی حزب کیلیشووی اساسیده، بو حزب موضوع‌نی حل قیلیب و بو کانلرنینگ نظارتی‌نی دولت و شرطنامه امضالگن شرکت‌گه تاپشیریشی لازم.
49 ییل اوچون کانلر وزیرلیگی، افغان سمنت شرکتی و افغان‌کول شرکتی آره‌سیده قول قوییلگن شرطنامه اساسیده، افغان‌کول شرکتی سمنت ایشلب چیقاریش‌ده مذکور کانلرنینگ تاش کومیریدن فایده‌لنیشی کیره‌ک، بیراق بو شرکت بیر ییل‌دن بویان کیره‌کلی تاش کومیرینی آز بها بیلن سمنگاندن آلیب کیله‌دی و کرکر بیلن دودکش کانلرینی قازیب چیقاریش ایشی توخته‌تیلگن.
بو توغریده افغان‌کول و افغان سمنت شرکت‌لری‌نینگ باشلیغی معروف سروری‌نینگ فکرینی اورگه‌نیش اوچون علاقه قوردیک، بیراق جناب سروری بو توغریده معلومات بیریش‌دن وازکیچدی.
افغان‌کول شرکتی کمیده بیر ییل آلدین، مذکور کانلرگه اسلامی حزب نفرلری هجوم قیله‌دی دیب کانلرنینگ قازیب چیقاریش ایشینی توخته‌تدی و نتیجه‌ده کانلرنینگ کمیده 500 ایشلاوچیسی‌نی ایش‌دن بوشه‌تدی.
