بغلان ولایتی نینگ بیر قنچه موتر هیداووچیلری، بیر تاماندن اوغریلر و یول توسرلرگه باج بیره دیلر ایکینچی تاماندن ایسه پولیس کوچلر عمومی یوللرده باج آلیشیدن شکایت قیلگنلر.
مذکور موتر هیداووچیلرنینگ سوزلریگه کوره، موترنی یوکله گندن کیین رسمی اداره دن حجت آلیب سفر قیله دیلر لیکن قورال ایسه حجت تامانیدی دیدیلر. اولر امنیتی کوچلر باج آلیش دن قول کوتارمه گن حالده، یوک تاشیشنی بس قیلیشلری باره سیده آگاهلتنیرگنلر.
اوشبو یوک تاشیوچی موترلرنینگ هیدواوچیلری هر بیر امنیتی پوسته ده ملی کوچلر ایللیک افغانی دن بیر یوز ایللیک افغانی آله دی دیگنلر.
بو مساله نی رد قیلگن ولایت پولیس قوماندانی نینگ سوزلاووچیسی ذبیح الله شجاع، امنیت نی تامین قیلیش ملی کوچلرنینگ بیرینچی وظیفه سی دیگن.
جناب شجاع، بو توغریده حجت قولگه کیریتگن حالده، درحال جنایتچیلرنی قولگه آلیب عدالی و قضایی اداره لرگه تاپشیریشی توغریسیده خبر بیرگن.
او، هنوزگچه بو حقیده رسمی شکایت قولگه کیریتمه گنلر دیدی.
بغلان عمومی یولی مملکت بولیب افغانستان شمالی ولایتلرینی باغلاووچی مهم یوللردن حسابلنه دی. شونینگدیک بو عمومی یول مملکت شمالیده جایلشگن حیرتان و شرخان بندرینی مملکت پایتخی کابل بیلن باغلیدی. شوکبی کونده یوزلب موتر اوزبیکستان و تاجیکستاندن کابل گه و کابل دن ایسه شمالی ولایتلر آرقلی اوزبیکستان و تاجیکستان قتنیدی.
