سلام وطندار رادیوسی بیلن مخصوص صحبت قیلگن بغلان ولایت ایکینچی‌لیک و اورمانچی‌لیک طبیعی منبع‌لر مدیری محمد یونس ایماق، بغلان ولایتی‌ده جاری ییل‌ده پسته محصولاتی اوتگن ییل‌گه قرهگنده کوزگه کورینرلی درجه‌ده آشگن.
جناب ایماق، اوتگن ییل منطقه اهال‌یسی همده اورمانچی‌لیک کمیته‌لر همکارلیگی بیلن 1000 تن پسته جمع لنگن‌لیگینی ایته‌دی. اونگه کوره، اوشبو مقدارده‌گی پسته نینگ پولی 70 میلیون افغانی بولگن.
بو ولایت ایکینچی‌لیک اداره‌سی متخصص‌لری‌نینگ تیکشیروولری نتیجه‌سی‌ده بو ییل 15000 تن پسته قول‌گه کیریتیلیشی ممکن. بو ییل پسته محصولاتی‌دن 100 میلیون افغانی قول‌گه کیرتیلیشی کوتیله‌دی. بو رقم ایسه اوتگن ییل‌لرگه قرهگنده بغلان ولایتی‌ده پسته محصولاتی 25 فایز آشگن لیگینی کورسته‌دی.
بغلان ایکنیچی‌لیک و اورمانچی‌لیک اداره‌سی طبیعی منبع‌لر مدیری، مذکور ولایتده پسته محصولاتی آشیشی‌نینگ بیرینچی مناسب اقلیم شرایط، بهار و قیشده‌گی یاغینگرچی‌لیک، اورمانچی‌لیک کمیته‌لر ایجاد ایتیلگنی، پسته اورمان‌لرینی حفاظت قیلیش و اورمان‌للرنی کیسیشنی آلدینی آلیش مساله‌لر باعث بولگن دیگن.
بغلان اورمان‌لرنینگ 30 فایزینی پسته درخت‌لری تشکیل ایته‌دی. بغلان ایکینچی‌لیک اداره‌سی مسوول‌لری، «شول» یا بو ولایتده پسته ییغیش جریانی جوزا آیی نینگ بیرینیچی سی‌دن باشله‌نیب سرطان آیی پایانی‌گه قدر دوام ایته‌دی.
بغلان شمالی ولایت‌لرده‌گی مهم زراعتی ولایت‌لر جمله‌سیدن. بو ولایت 38300 هکتار طبیعی و 20 مینگ هکتار پسته اورمان‌گه ایگه. مرکزی بغلان ولسوال‌لیک‌لری، نهرین، تاله و برفک، دهنه غوری، پلخمری، دوشی و برکه اینگ کوپ پسته اورمانی‌گه ایگه منطقه‌لر جمله‌سیدن. بغلان‌نینگ بو محصولاتی پاکستان، عربستان، هند و امریکه‌گه صادر ایتیله‌دی.
