بغلان ولایتیده آتی فاش ایتیلیشی‌نی ایستمه‌گن امنیتی بیر منبع نینگ سلام‌وطندارگه ایتیشیچه، اوتگن کیچه مرکزی بغلان تومنی، دوشی تومنی و پلخمری شهری نینگ اطرافلریده طالبان تامانیدن اویوشتیریلگن هجوم نتیجه‌سیده، امنیتی کوچلردن 13 ته‌سی هلاک بولیب و 6 پوسته طالبان نینگ قولی گه سقوط قیلگن.
منبع گه کوره، طالبان گروهی امنیتی کوچلرنینگ 4 پوسته‌سینی هم اوت بیرگن.
اوشبو منبع نینگ کوپه‌یتیریشیچه، آتیشمه‌لر نتیجه‌سیده مرکزی بغلان تومنی نینگ حسن‌تال منطقه‌سی طالبان نینگ نظارتی گه اوتگن و مذکور گروه نینگ جنگریلری تومن مرکزی گه یقینلشگن.
منبع نینگ ایتیشیچه، حاضر بغلان-کابل قتناو یولی طالبان نینگ نظارتی ده دیر و اوچ کوندن بویان یوزدن آرتیق یوللاوچی تاشووچی موتر پلخمری شهریده قمه‌لیب قالگن.
بغلان ولایتیده سونگی نیچه کونده یوز بیرگن آتیشمه‌لر نتیجه‌سیده، بوتون دولتی اداره‌لر و تعلیم درگاهلری باغله‌نیب و مخابراتی ترماقلرنینگ فعالیتی کیسیلگن.
اوتگن کیچه امنیتی کوچلر بغلان گه ییتیشگن، بیراق حاضرگچه طالبان گروهی نینگ قته‌غن قیلیش اوچون هیچ بیر عملیات باشلنمه‌گن.
شو توغریده…
بغلان ولایتیده اوروش نینگ دوامی بار
