بغلان محلی مسئوللری‌نینگ ایتیشیچه، طالبان بغلان مرکزی پلخمری شهریده دکاندارلر و کسبه‌کارلردن پوله توپله‌یدی.
سلام‌وطندارگه صحبت بیرگن بغلان ولایتی کینگش باشلیغی محمدصفدر محسنی نینگ ایتیشیچه، طالبان پلخمری شهریده دکاندارلر و کسبه‌کارلردن پول، کییم، بوت و شونگه اوخشه‌گن باشقه موادلر توپله‌یدی.
اونگه کوره، بغلان نینگ خوفسیزلیک وضعیتی اوتمیش گه قره‌گنده یمان بولگن و مذکور ولایت یشاوچیلری شهری ایچیده هم تینچ ایمس دیر.
شونینگدیک بغلان مدنی فعاللر اجتماعی جمغرمه‌سی باشلیغی محمدعثمان شیرزی نینگ ایتیشیچه، طالبان دکاندارلرنینگ دکانلری برابریده ماین ییرلشتیریش بیلن اولرنینگ تهدید قیله‌دی.
شو توغریده:
- سرپل ده طالبان یوک و یوللاوچی تاشیووچی موترلردن باج آله‌دی
جوزجان نینگ خم‌آب تومنیده طالبان قیزلرنینگ طویانه‌سیدن باج آله‌دی
قندوز ترافیک پولیسی ریکشا هیداوچی‌لریدن باج آله‌دی
بیراق بغلان پولیس قومندانی نیازمحمد نیازمند طالبلرنینگ کسبه‌کارلردن پول توپله‌شینی رد قیلیب کوپه‌یتیریشیچه، اولر پلخمری شهری نینگ خوفسیزلیک وضعیتی یخشی‌لنیشی اوچون شهری گارنیزون ایجاد قیلگن.
بو توغریده طالبلرنینگ فکرینی آلیش ایسته‌دیک بیراق کوپینچه سعی و حرکتلر بیلن موفق بولمه‌دیک.
