بریتانیا دولتی 20 مینگ قاچقین‌گه باش پنه بیریش اوچون تیارلیگینی اعلان قیلگن. مذکور مملکت باش وزیری دیوید کامرون‌گه کوره، مذکور مهاجرلر بیش ییلگچه اوشبو مملکت‌ده استقامت قیله آله‌دیلر. شونینگ‌دیک بریتانیا هنوزگچه بیش مینگ قاچقین اوچون یشش شرایط یره‌تیب بیرگن.
عین حالده، آلمان و فرانسه دولت‌لری هم ترتیب اساسیده 31 و 24 مینگ مهاجرگه ییش جای بیریش اوچون تیارگرلیک کورستگن.
دنیا عاموی اخبارات واسطه‌لری‌نینگ معلوم قیلیشیچه، هنوزگچه 16 قاچقین آسترلیا واروپایی مملکت‌لرگه بارگنلر.
ترکیه دینگیز چیگره‌سیده سوریه‌لیک بیر باله‌نینگ جسدی پیدا بولیش بیلن اورپا مملکت‌لری قاچقین‌لرگه نسبتن سیاست‌لرینی اوزگرتیریب و بو مملکت اهالیسی‌نی سابقه سیز روش‌ده اروپایی مملکت‌لرگه کیلیش اوچون خوش قرشیله‌دی.
آسترلیا بیرینچی بولیب مذکور قاچقین‌لرگه مملکتی‌ده جای بیریشنی اعلان قیلیب، مملکتی‌نینگ چیگره‌لری بوندن بویان مهاجرلر یوزیگه آچیق لیگینی بیلدیردی.
دنیا کاتولیک‌لری مذهبی‌نینگ رهبری پاپ فرانس جاری هفته یک‌شنبه کونی اروپایی مملکت‌لردن مذکور مهاجرلرگه همکارلیک قیلیش‌نی سوره‌دی.
ایتیلیشیچه، کوپینچه مهاجرلر سوریه، عراق و افغانستان فقراسی‌دن عبارت دیر. مذکور قاچقین‌لر قشاق‌لیکدن قاچیب یخشی حیات کیچیریش اوچون اروپایی مملکت‌لرگه یول آلگن‌لر.
