افغانستان بوییچه ملی بیرلیک حکومت اجراییه باشلیغی عبدالله عبدالله رهبرلیگی ده بولگن برقرارلیک و یقینلیک سیلاو تیمی نینگ ایتیشیچه، تورت تور تقلب‌لی آوازلر سنه‌لیشی و اونگه اعتبار بیریلیشی کوپ رقم نی تشکیل بیره‌دی و بو آوازلر هیچ بیرشرایط‌ده مذکور تیم تامانیدن قبول قیلینمه‌یدی.
بوگون چهارشنبه «15- عقرب» ده برقرارلیک و یقینلیک سیلاو تیمی تامانیدن ترقه‌تیلگن خبرنامه‌ده یازیلیشیچه، اوشبو سیلاو تیم نینگ رهبرلیک کینگشی اوتگن کون آقشام سیلاو جریانی توغریسیده جناب عبدالله نینگ رهبرلیگی‌ده سیاسی رهبرلر و ملی شخصیت‌لرنینگ اشتراکی‌ده فوق‌العاده ییغین اوتکزگن.
خبرنامه‌ده کوپه‌یتیریلیشیچه، بو ییغینده آلینگن قرار اساسیده، سیلاو کمیسیونی آوازلرنینگ قیته سنه‌شینی باشله‌شیدن آلدین، آوازلر تازه‌لنیشی خصوصیده، سیلاو کمیسیونی گه مکتوب اساسیده، خبر بیریلگن برقرارلیک و یقینلیک سیلاو تیمی نینگ بوتون معقول و قانونی ایستک‌لرینی حل قیلیشی کیره‌ک.
برقرارلیک و یقینلیک سیلاو تیمی نینگ آگاه‌لنتیریشیچه، بو توغریده سیلاو کمیسیونی و باشقه هر آدرس دن بولگن کم‌چیلیک‌لرنی برابریده بی‌فرق یانده‌شمه‌یدی.
خبرنامه ده کیلیشیچه،137630 توخته‌تیلگن آواز و آواز بیریش زمانیدن تشقری فایده‌لنگن 102012 آوازنینگ تقدیری بیللی بولگونگه‌قدر، سیلاو کمیسیونی آوازلرنینگ قیته سنه‌ش جریانی‌نی باشلمه‌سی کیره‌ک.
برقرارلیک و یقینلیک سیلاو تیمی، سیلاو ایرکین کمیسیونی دن تیزلیک‌که اولرنینگ قانونی ایستک‌لریگه مکتوب اساسیده، قانیقرلی جواب بیریشی‌نی طلب قیلگن.
شونینگدیک، بوندن آلدین مذکور سیلاو تیم نینگ ایتیشیچه، کمیده 12 مینگ صندوق نینگ آوازلری قیته سنله‌دی و سیلاو کمیسیونی باشقه 300 مینگ آواز توغریسیده هم قرار قیلیشی کیره‌ک.
عین حالده، اوتگن کون سیلاو ایرکین کمیسیونی اعضاسی مولانامحمد عبدالله، آوازلر اجره‌تیلیشی‌دن آلدین قیته سنه‌ش جریانی باشله‌نیشی قیین‌چیلیک یره‌تیشی‌نی بیلدیرگن ایدی.
شو توغریده…
مولانا عبدالله؛ آوازلر اجره‌تیلیشی‌دن آلدین قیته سنه‌ش باشله‌نیشی قیین‌چیلیک یره‌ته‌دی
