بوگون "جمعه" عبدالله عبدالله رهبرلیگی‌گه بولگن برقرارلیک و یقینلیک سیلاو تیمی نینگ طرفدارلری «سیلاوده ساخته‌کارلیک» یوز بیرگنی باعث، کابل شهریده ناراضلیک نمایش یولگه قویگن‌لر.
اعتراضچی‌لر بوگون "جمعه" ایرته‌لب کابل شهری نینگ تورلی بولیم‌لریدن جمهورلیک ریاستی یقینیده توپلنگن‌لر.
برقرارلیک و یقینلیک سیلاو تیمی‌نینگ طرفدارلری، جنجالی بولگن 300 مینگ آواز بیکار قیلینیشی‌نی ایسته‌یدیلر. اولرنینگ تاکید قیلیشیچه، آوازلر قیته سنه‌ش جریانی اولر تامانیدن قبوللنمه‌یدی.
برقرارلیک و یقینلیک سیلاو تیمی نینگ بیرینچی اورین باسری بابر فرهمندنینگ اعتراضچی‌لر آره‌سیده حضور تاپیب ایتیشیچه، اوشبو تیم ایسته‌گی سیلاو ایرکین کمیسیونی تامانیدن قبوللنمه‌گن صورتده، "شنبه" کونی مملکت باشقه ولایت‌لریده هم ناراضلیک نمایش باشله‌نیشی ممکن.
برقرارلیک و یقینلیک سیلاو تیمی نینگ ایکینچی اورین باسری اسدالله سعادتی نینگ ایتیشیچه، «سیلاو ایرکین کمیسیونی نینگ قانون و طرزالعمل اساسیده ایش قیلیشی اوچون فرصت موجود دیر و اوشبو کمیسیون قانونگه قرشی حرکت قیلگن صورتده، ساخته‌کارلر و ساخته‌کارلرنینگ حمایتچی‌لری نینگ جای‌لری قماقخانه دیر.»
برقرارلیک و یقینلیک سیلاو تیمی نینگ طرفدارلری، 6 ماده‌لیک بیرشرطنامه ترقه‌تیش بیلن 300 مینگ آوازنینگ بیکار قیلینیشی‌نی سوره‌گنلر.
اولرنینگ آگاه‌لنتیریشیچه، قانونی ایستک‌لری قبول بولمه‌گن صورتده، « ساخته‌کارلرگه قرشی بوتون مشروع و مردمی گزینه‌لردن فایده‌لنه‌دیلر.»
اعتراضچی‌لر، خلق ارا جماعه‌سیدن افغانستان سیلاویده صورت تاپگن ساخته‌کارلیک‌لرگه توسیق بولیش اوچون یاردم ایسته‌گن‌لر.
سیلاو ایرکین کمیسیونی حاضرگه‌قدر اعتراضچی‌لر ایستک‌لریگه جواب قیترمه‌گن.
ایچکی ایشلر وزیرلیگی‌نینگ اعلان قیلیشیچه، بوگون "جمعه" توشدن آلدین ساعت 11:30 ده باشلنگن اعتراض توشدن سونگ ساعت 1:30 ده یکونلنگن دیر.
شوتوغریده…
