برشنا شرکتی‌نینگ سوداگرلیک بولیمی باشلیغی احمدخالد استانکزی نینگ ایتیشیچه، برق پولی‌نی توللمه‌گن زورهوانلرنینگ برقی‌نی کیسیش لایحه باشلنگن دیر.
اونینگ ایتیشیچه، برشنا شرکتی قرضدارلریدن بیرقطاری اوز قرض‌لرینی بو شرکت‌ده تحویل بیرگن، بیراق حاضرده هم کوپ قطار زوره‌وان‌لر و دولت یوقاری مرتبه‌لی رسمی‌لری برق پولی‌نی توللمه‌گن‌لر.
بوگون "سه‌شنبه" برشنا شرکتی مسوولری، کابل شهری نینگ 4- و 5- ناحیه‌سیده قطار زورهوانلرنینگ برقی‌نی کیسکن. اولر، بیرینچی دن نماینده‌لر کینگشی نینگ سابق اعضاسی حاجی الماس زاهد، سابق جهاد قومندانی حاجی کرم‌شاه، جنرال انور، لطف‌الله و نورحبیب نینگ برقی‌نی کیسکن دیر.
برشنا شرکتی سوزلاوچیسی وحیدالله توحیدی نینگ سلام‌وطندارگه ایتیشیچه، مذکور زوره‌وان کیشی‌لر برق‌لرینی قیته‌دن باغله‌گن صورتده، اولرنینگ تیریک‌چیلیک قیله‌دیگن منطقه‌لرنینگ برقی کیسیلیب و اولر عدلی و قضایی اداره‌لرگه تانیتیله‌دی.
برشنا شرکتی مسووللری نینگ ایتیشیچه، بو شرکت‌دن قرضدار بولگنلرنینک کوپراغی زوره‌وان‌لر و دولت یوقاری مرتبه‌لی رسمی‌لری دیر.
