.jpg)
د دې ولایت د ټاکنو خپلواک کمېسیون رییس حمیدالله بلوچ سلاموطندار ته وویل، د بدخشان ولایت د وردوج، یمګان او کوهستان ولسوالیو او دغهراز د جرم ولسوالۍ په ځېنو برخو کې د طالبانو موجودیت او د دې ولایت په ځېنو نورو برخو کې د امنیتي ګواښونو کچې زیاتېدو له امله د رایهورکوونکیو نوملیکنې مرکزونه تړل شوي دي.
د بلوچ په خبره، د ټولټال ۳۲۲ نوملیکنې مرکزونو له ډلې یوازې ۱۷۰ یې فعاله دي او د پاتې ۱۵۲ تړل شویو مرکزونو فعالولو لهپاره هڅې روانې دي.
بلوچ په داسې حال کې د نوملیکنې مرکزونو خلاصون خبره کوي چې د ولایتي شورا غړیو په وینا د دې ولایت ۴۰ سلنه خاوره د طالبانو په واک کې ده.
د ولایتي شورا رییس بشیر صمیم وايي، په وردوج او یمګان ولسوالیو کې د رایهورکوونکیو نوملیکنې مرکزونو بندېدو سربېره د دې ولایت په ځېنو کلیو کې هم د ناامنیو له کبله د نوملیکنې مرکزونه تړل شوي دي.
.jpg)
بشیر صمیم وویل، په دې ولایت د رایهورکوونکیو نوملیکنې نږدې ۵۰ سلنه مرکزونو بندپاتې کېدل د جدي اندېښنې وړ خبره ده او ځايي حکومت باید د دغو مرکزونو د خلاصون لهپاره لاس په کار شي.
د بدخشان ولایت امنیه قوماندان محمدصابر وايي، په پلان کې لري چې د رایهورکوونکیو نوملیکنې مرکزونو ته متوجه ګواښونه له منځه یوسي. امنیې قوماندان وايي، په دې اړه به ډېر ژر امنیتي پلان عملي او چاڼیز عملیات په پيل کړيږ
د ریپوټونو پر اساس د امنیتي چارو څېړونکي وايي، ناامني د ټاکنو پر وړاندې یو جدي ګواښ دی که حکومت د ټاکنو بهیر امنیت ونهشي نیولی د دې پروسې مشروعیت به تر پوښتنې لاندې راشي.
