بدخشان‌ده محلی رسمی‌لرنینگ ایتیشیچه، بدخشان اوروشی جوده هم چیگل و بو ولایت‌ده تیزلیک‌ده امنیت تامین لنمه‌یدی.
بدخشان پولیسی‌نینگ قوماندانی جنرال بابه جان نینگ ایتیشیچه، بو اوروش‌ده اوزبیکستان، تاجکستان، قیرقیزستان و چیچن فقراسی حصه قوشگن.
جناب بابه‌جان گه کوره، مذکور ولایت‌ده امنیتی کوچلرنینگ عملیات‌لری نتیجه‌سیده قاری باسط و قاری شکرالله شامل طالب‌لرنینگ نیچه قوماندانی اولدیریلگن.
باشقه تاماندن بدخشان‌نینگ دین عالملر کینگشی باشلیغی ابو امان نینگ ایتیشیچه، بدخشان‌ده ناتینچ‌لیک‌لر کون – سایین کوپیماقده و بو قیین‌چیلیک‌دن قوتیلیش اوچون بدخشان مجاهدلری و اهالیسی ایش‌گه کیریش‌لری لازم.
بدخشان‌نینگ دین عالملر کینگشی باشلیغی‌نینگ ایتیشیچه، «گویا بدخشان ولایتی تینچ دیر؛ شو کونلرده راغ تومنی سقوط عرفه‌سیده تورگن». «بیزلرنینگ امیدمیز دولت و افغانستان اردوسیدن اوزیلگن دیر».
شونینگ‌دیک اوتکن کون یوزلرچه دین علمالری بدخشان مرکزی فیض آباد ده کته نمایش یولگه قوییب افغانستان امنیتی کوچلریدن اوز حمایت لرینی بیلدیریب ایتیشیچه، امنیتی وضعیت یامان بولگنی باعث مذکور ولایت‌ده کینگیتریش لایحه‌لر توخته تیلگن.
مولوی عتیق الله گه کوره، بدخشان‌ده امنیت تامین‌لنیشی اوچون بیرینچیدن مذاکره قیله‌میز؛ بو یول بیلن امنیت تامین لنمسه، کیین باشقه یول‌لردن ایش آلیب امنیت‌نی تامین‌له‌یمیز دیگن.
عتیق الله نینگ کوپیتیریشیچه، « بیز بیش کیلومترلیگی‌ده قرارتاپگن اینگ کته پروژه شورابک بند برقی بولیب، ایشی توخته تیلگن. کیم زیان کوره‌دی دولت یا تروریسم؟ فیض آباد زیان کوره‌دی بیر کیلوات برق 55 افغانی ساتیب آلینه‌دی».
بدخشان ملالریدن باشقه بیری عبدالمعروف راسخ نینگ ایتیشیچه، بدخشان‌ده‌گی ناتینچ لیک لر و باش کیسیش‌لر خلق ارا تروریست‌لرینی ایشی و بو ناتینچ‌لیک‌لرگه بدخشان علمالری نینگ قولی یوق دیر.
بدخشان پولیسی‌نینگ معلوم قیلیشیچه، اوتکن کون کیچ قورون مذکور ولایت خستک دره‌سیده امنیتی کوچ‌لر و طالب‌لر آره‌سیده یوز بیرگن توقنه‌شووده، طالب‌لرنینگ ناملنگن والیسی مولوی امان‌الدین باشقه 8 چیت ایل‌لیک فقرا شامل 13 جنگری اولدیریلگن.
