بوگون پنج‌شنبه بدخشان ده‌گی سونگی ناتینچ‌لیک‌لر توغری‌سی‌ده، مذکور ولایت یاش اولوغ‌لری تامانیدن نمایش یولگه قوییلدی.
بدخشان، قوم بویوک‌لریدن بیری داکتر ودود ثابت‌نینگ ایتیشیچه، بدخشان افغانستان ایشیگی دیر. بو ولایت قولدن کیتگن صورت‌ده بوتون اولکه قولدن کیته‌دی. دولت حاضرگه قدر سونگی ناتینچ‌لیک‌لر توغری‌سی‌ده عملی برنامه قولگه آلمه‌گن.
جناب ثابت‌گه کوره، مذکور ولایت برچه قتناو یوللری جنگری طالب‌لر تهدیدی‌گه قالگن. بدخشان‌نینگ 9 تومنی‌ده طالب‌لر و چیت ایللیک عصیانچی‌لر جای‌لشگن.
او، دولت ترورچیلر توغری سیده دقت قیلمه‌گن صورت‌ده، اهالی قیام قیله دی دیب هشدار بیره‌دی.
مذکور اولتیریش‌ده اشتراک ایتکن قوم بویوک‌لریدن ینه بیری حبیب‌الله محشرنینگ ایتیشیچه، جرم و وردوج تومن‌لریده ناتینچ‌لیک‌لرگه قولی بار عصیانچی‌لر31 عایله اعضاسی جای‌لشگن. شوحاضر 106 کیشی شمال‌ده ترورچیلرگه تعلیمات بیریش بیلن اورینیب تورگن.
جناب محشرنینگ ایتیشیچه، اگر توپ‌خانه یولی یازموسمی‌ده قار ییریگندن کیین آچیلسه، 850 طالب منطقه‌گه کیریب کیلیشی ممکن. او زمان منطقه دولتی کوچلر قولیدن کیته‌دی.
افغانستان اسلامی جمعیت حزبی‌نینگ سوزلاوچی‌سی واقف حکیمی‌نینگ ایتیشیچه، بدخشان‌نینگ نماینده‌لری ارا تارتیشوولر موجود؛ انه شو تارتیشوولر سبب ناتینچ‌لیک‌لر کینگه ییب بارماقده.
مدنی فعال‌لردن بیری مجیب مهرداد، بیر شرط‌نامه اوقیب ملی بیرلیک حکومتی‌دن بدخشان وضعیتی‌نی تیکشیریش خصوصی‌ده بیرهیآت یوباریشی‌نی سوره‌دی.
شوسونگی ییل‌لرده وردوج، جرم، زیباک و یمگان تومن‌لری جدی ناتینچ‌لیک‌لرگه گواه بولیب کیلماقده؛ چیت ایللیک طالب‌لر منطقه‌ده نفوذ قیلیب ترورچی‌لرنی تربیه‌لش و تجهیزلش‌گه قول اورگنلر.
