بدخشان ولایتیده اوروش‌دن آواره بولگن‌لر قیش موسومی‌ده یاقیلغی ماده، ییگولیک آذیق-آوقت و تنیق ایچیم‌لیک سوو یوقلیگی باعث کوپینچه قیین‌چیلیک‌که روپه‌ره بولیب قالگن و شونینگدیک، ساغلیک خذمت‌لری و اورگه‌تیش و تربیه‌لش‌دن محروم بولگن‌لر.
بدخشان ولایتیده آواره‌لرنینگ یمان وضعیتی‌دن خواطر بیلدیرگن مذکور ولایت‌نینگ ولایتی کینگش اعضاسی احمد جاوید مجددی‌نینگ ایتیشیچه، ساووق موسوم ده آواره‌لرگه ییترلیچه یاردم ییتکیزیلمه‌گن صورتده، اولر جدی قیین‌چیلیک‌لرگه روپه‌ره بولیش‌لری ممکن.
بدخشان ولایتی‌نینگ جرم تومنی آواره‌لریدن بیری سیف‌الدین نینگ ایتیشیچه، جرم تومنیده طالب‌لرنینگ حضوری باعث، حیاتیده بار و یوق نرسه‌لرینی قوییب و فیض‌آباد شهری‌نینگ بیر چیکه‌سیده آز امکانیت بیلن حیات کیچیره‌دی.
شو توغریده…
- فاریاب آواره‌لری؛ 8 آیلیک باله آچلیک و ساووق باعث، جان بیرگن
جوزجان بدرغه‌لری: یوز بیریش احتمالی بولگن انسانی مصیبت‌نی آلدی آلینسین
جوزجان بدرغه‌لری‌نینگ تقدیری؛ آچلیک و باش پناه‌سیزلیک
مذکور ولایت‌نینگ مهاجرلر ریاستی باشلیغی عبدالواحد طیبی، آواره‌لرنینگ یمان وضعیتی‌دن خواطر بیلدیریب ایتیشیچه، هر ییل یالغیز بیر مرته مهاجرلرگه یاردم بیریله‌دی و اولر ایسه بوتون قیین‌چیلیک‌لرینی حل قیلیش‌گه قادر ایمس دیر.
بدخشان ولایتیده نیچه ییل‌دن بویان ناتینچلیک‌لر کینگه‌ییب و قوراللی طالب‌لرنینگ حضوری کینگه‌یگنی باعث، ناتینچ تومن‌لریدن کمیده 6 مینگ عایله دولت نظارتی‌ده بولگن منطقه‌لرده جایلشگن‌لر.
