قندوز ولایتینینگ آقتاش تومنی قیشلاقلریده اوچ کون آلدین چیت ایللیک کوچلرنینگ هوایی حمایتی بیلن کماندو کوچلری و ملی خوفسیزلیک 09 قطعهسی تمامانیدن یولگه قوییلگن تازهلش عملیات بوگون ایرتهلب یکونلندی و نتیجهده 6 قیشلاق قوراللی طالبلردن تازهلنگن.
بیراق، قندوز ولایت کینگشی اعضالری و اهالیسی بو عملیاتلرنی ناکام بیلیب ایتیشیچه، بو عملیاتلر اهالی بدرغه بولیشیدن باشقه هیچ بیر نتیجه بیرمهگن.
عین حالده، کماندو کوچلری سوزلاوچیسی جاوید سلیمنینگ ایتیشیچه، آقتاش تومنیده یولگه قوییلگن تازهلش عملیاتلردن مقصد، دولتگه قرشی قوراللی عصیانچیلرگه آغیر زیان ییتکزیش ایدی و بو ایش عملگه آشیریلدی.
آقتاش قندوز ولایتینینگ ینگی تشکیل ایتیلگن تومنلریدن بیری بولیب و اوچ ییلدن بویان نیچه مرته تازهلش عملیاتلرگه گواه بولگن؛ لیکن حاضرگهقدر طالبلرنینگ حاکمیتیده دیر.
