بدخشانده محلی قوماندان‌لر همده قوراللی گروه لرنینگ ولایت‌ده‌گی لاوجورد قازیب چیقاریش اوستی‌ده بولگن رقابت‌لر بو ولایت‌نی نا برقرار قیلگن.
بدخشان بلند مرتبه‌لی رسمیلری‌گه کوره، بو ولایت‌ده لاجوردنی قازیب چیقاریش‌ده طالب‌لرنی هم رولی بار.
ولایت والی‌سی نینگ اورین باسری گل محمد بیدارنینگ سلام وطندارگه ایتیشیچه، بو ولایت نینگ لاجوردی بیر معماگه اوزگرگن.
جناب بیدار، 2012- ییلگچه اوشبو کان نینگ لاجوردی «لاجوردین» شرکتی آرقه‌لی قانونی شکلده قازیب چیقریلردی دیگن. اما، محلی جهاد قوماندان‌لریدن «فرمانده ملک» مذکور کان اختیارینی قول‌گه آلگن‌دن کیین بو کاننی ناقانونی قازیب چیقاریش باشلنگن.
بیدار، محلی حکومت لاجورد کانینی قیته‌دن اوز اختیاریگه آلیش قدرتی‌گه ایگه ایمس.
600 – 700 قوراللی نفری بولگن ملک قوماندان کران و منجان ولسوال‌لیک‌لریده لاجورد ذخیره‌لری تاسیس قیلیش‌گه قول اورگن.
بیدار، مرکز حکومت‌دن اوشبو کان قیته‌دن ناقانونی شخص‌لر قولدن آلینیشی اوچون یاردم سورهگن لیک‌لرینی ایتگن. آلدین بو محل گه یوباریگن حربی لر محلی قوراللی گروه‌لر بیلن بیرگه بولیب معامله قیلگن‌لر.
ولایت اورین باسری، حاضرگی کونده لاجوردین شرکتی بیلن امضالنگن کیلیشوو بیکار ایتیلگن. ایتیلیشیچه، بو کان‌نینگ 40 % در آمدی قوراللی طالبلر چونتگی‌گه کیره‌دی.
سلام وطندار بو توغریده آلیب بارگن سعی وحرکت بیلن محلی قوماندان بیلن باغله‌نیش‌گه موفق بولمه‌گن.
عین حالده، بدخشان ولایتی نینگ نماینده‌لر مجلسی‌ده‌گی اعضاسی ولی نیاز بدخشان لاجوردینی اوغیرلش‌ده اوچ گروه نینگ قولی بار دیگن.
محلی زوروانلر، طالبلر و حکومت ایچیده‌گی ایریم گروه لر توغری – یا ناتوغری شکلده بوندن فایده‌لنه دیلر.
بوندن آلدین هم اداری فسادگه قرشی کوره‌شیش اداره‌لری بدخشان ولایتی‌نینگ کانی نا قانونی شکلده قازیب چیقاریلیشی‌دن خواطر بیلدیرگن ایدی.
یقین‌ده افغانستان کانلر و صناعت وزیرلیگی بوندن بویان اوشبو کان نا قانونی قازیب چیقاریلیش آلدی آلینیشی دن خبر بیرگن.
