.jpg)
اوتگن کون قورال‌لی طالب‌لر بدخشان ولایتی جُرم تومنی نینگ کیب منطقه‌سیده بیر ییغین اوتکزیب ینگی تعلیمی ییل‌نی رسماً باشلهگنلر.
مذکور حرکت تامانیدن نشر بولگن اعلامیه‌ده، منطقه اهالی‌سیدن فرزندلرینی مکتب‌گه یوباریش‌لری سوره‌لگن.
بدخشان ولایت کینگشی‌نینگ اعضالریدن بیری عبدالله ناجی نظری نینگ سلام‌وطندار گه ایتیشیچه، طالب‌لر قاری محبوب‌الله ناملی شخص‌نی بو حرکت‌نینگ معارف مسوولی صفتیده تعین قیلگنلر.
قاری محبوب‌الله طالب‌لر اداره‌سیده بولگن مکتب‌لرنی نظارت قیلیشی ایتیله‌دی. ولایت کینگشی‌نینگ مذکور اعضاسی، طالب‌لر اداره‌سیده بولگن کوپ منطقه‌لرده قیز و اوغیل اوقوچی‌لر یوزیگه مکتب‌لر ایشیگی قیته‌دن آچیلگن لیگی‌نی ایتگن.ن.
.jpg)
شونینگ‌دیک هنوزگچه بو مکتب‌لرنینگ درسی تیزیمی‌گه اوزگریش کیلتیریلمه‌گن لیگی ایتیله‌دی. خبرنی تصدیق له‌گن بدخشان امنیه قوماندالیگی‌نینگ خوف‌سیزیلیک آمری سخی‌دادخان‌گه کوره، قورال‌لی طالب‌لرگه وفادار شخص‌لر مذکور مکتب‌لر افراطیت عاید فکرنی تعلیم بیره‌دیلر.
انه شو مساله سبب بو ساحه‌لر‌ده قیز اوقوچی‌لر اوچون هم مخصوص چیکلاو یره تیلمه‌گن دیدی ولایت خوفسیزلیک آمری جناب سخی داد.
بوندن آلدین قورال‌لی طالب‌لر مملکت‌نینگ ایریم منطقه‌لریده مکتب‌لرنی اوت‌گه یاندیریب نابود قیلردی؛ اما، بدخشان ولایتی‌ده طالبان حرکتی‌گه قره‌شلی شخص‌لر 16 کوندن کیین مکتب قونغراغی‌نی چَلیش بیلن تعلیمی ییل نی باشلهگنلر.
لیکن، بوندن آلدین اخبارات واسطه‌لریده ترقه‌تیلگن گزارش‌لرده طالب‌لر اداره‌سیده بولگن مکتب‌لر حربی فعالیت‌لر اوچون کوپراق فایده له‌نیلگنی قید ایتیلگن.
