بدخشان ولایتیده مردمی کوچ ایجاد قیلیش اوچون اوچ کون بحث آلیب باریلگن دن کیین، مذکور ولایت ولسوالیک‌لری نینگ نماینده لری قوراللی طالب‌لرگه قرشی مردمی عصیان کوتاریش باره‌سیده کیلیشگن‌لر.
بدخشان ولایت ولسوالیک‌لری نینگ نماینده‌لر اوچ کون ییغین اوتکزیب ولایت‌نینگ حاضر معماسینی حل قیلیش و جنگری‌لرگه قرشی اوروش مبارزه قیلیش مساله‌سینی محاکمه قیلگن‌لر.
اوشبو ییغین‌ده ایشلنگن لایحه اساسی‌ده اهالی‌دن تشکیل ایتیلگن 45 کمیته اربکی لر فعالیتی بیکار ایتیلیشی، بدخشانلیک‌لر همده سیاستچی لر آرقه لی طالب‌لر بیلن مذاکره قیلیش، مذاکره قیلیش مساله‌سی طالب‌لر تامانیدن رد ایتیلگن تقدیرده اولرگه قرشی عصیان کوتاریش، کانللرنی قازیش مساله‌سی قانونی بولیش و مرکز حکومت آرقه ولایت‌نینگ اداری تیزیمی گه اصلاحت کیریتیش‌دن عبارت.
نماینده لر مجلسی‌ده بدخشان ولایتی‌نینگ وکیلی ولی نیازی نینگ اهالی عصیانی باره‌سیده ایتیشیچه، مذکور طرح نماینده‌لر مجلسی آرقه لی ملی بیرلیک حکومتی‌گه ارایه ایتیله‌دی.
شونینگ‌دیک جناب نیازی برچه ولسوالیک‌لردن نخبه کیشی لر سیله‌نیب طالب‌لرگه قرشی عصیان کوتاریش مساله‌سی بیر مرکز آرقه لی باشقریلیشی‌نی ایتگن.
اما، مذکور طرح نماینده‌لر مجلسی نینگ ایریم وکیللری و بدخشان قوم یاش اولوغ‌لری تامانیدن رد ایتیلگن.
طرح گه قرشی کیشی‌لرگه کوره، اهالی نینگ عصیان کوتاریشی ولایت‌ده الغاو دلغاو لرگه سبب بولیشی ممکن.
جاری ییل باشله‌نیشی بیلن قوراللی طالب‌لر افغانستان شمالی ولایت‌لریده اوز هجوم‌لرینی تیزلشتیرگن.
بدخشان ولایتی نینگ ایریم منطقه‌لری سونگی وقت‌لرده طالب لر تامانیدن هجوم آستی‌گه آلینیشی ولایت خانه دانلرینی جدی تشویش‌گه سالگن.
نیچه مودرده قوراللی طالب‌لر ولایت‌ده پولیس‌نینگ قطار پوسته‌لرینی هجوم‌گه توتیب، ملی کوچلرنی اولدیرگن‌لر.
عین حالده، نماینده‌لر مجلس اعضاسی نیلوفر ابراهیمی‌نینگ سوزلریگه کوره، بدخشان اوروشی منطقه‌دن تشقریده پلانلشتیریلیشی دن علاوه ایچکی عامللرهم سبب دیر.
خانیم ابراهیمی، بدخشان کانی اوستیده‌گی جنجال دولت قوراللی مخالف‌لری اوچون مهم اقتصادی منبع سنله‌دی.
شونینگ‌دیک ولایت اورین باسری گل‌محمد بیدار، ولایت نینگ محلی حکومتی دولت نینگ هیچ بیر اداره سی‌نی باشقریش‌گه قادر ایمس ایکن لیگینی تصدیق‌له‌گن.
سونگی تورت ییل ایچی‌ده بدخشان ولایتیده خوفسیزلیک‌لر میزانی سیزیلرلی درجه‌ده آشگن.
