سلام‌وطندارگه صحبت بیرگن بدخشان ولایت کینگشی اعضاسی طلب‌الدین قادری‌نینگ ایتیشیچه، سونگی قار یاغیش‌لر، وردوج تومنیده طالبان حضوری و قتناو یوللر توسیلگنی باعث، ایریم تومن‌لرده ییگولیک ماده بهاسی تکرارسیز شکلده کوپه‌یگن و اهالی ییگولیک ماده‌گه قول تاپیش خصوصیده، کوپینچه قیین‌چیلیک‌که روپه‌ره بولگن.
جناب قادری گه کوره، ییگولیک ماده بهاسی جوده یوقاری بولگنی باعث، هر بیر عایله ساتیب آلیش‌گه قادر بولمه‌یدی. چونکه بیر سیر وطنی برنج 800-900 افغانی ساتیله‌دی؛ لیکن اهالی ییگولیک ماده‌لرینی تیارلش‌ده مجبور دیر.
شونینگ‌دیک، او محلی حکومت‌دن شکایت قیلیب ایتیشیچه، منسجم و دقیق برنامه یوقلیگی باعث، هر ییل حکومت اهالی‌دن حمایه قیلیش‌ده ناکام قاله‌دی.
بیراق، تنقیدلرگه جواب بدخشان حاکمی فیصل بیگزادنینگ ایتیشیچه، نیازمندلرگه یاردم ییتکزیش اوچون محلی حکومت و یاردم بیرووچی اداره‌لر تامانیدن ییترلیچه تیارگرلیک آلینگن و شونینگ‌دیک، اوشبو ولایت‌نینگ نیچه چیگره‌یی تومنیده استراتیژیکی انبار ایجاد ایتیلگن.
عین حالده، ولایتی کینگش اعضالری‌نینگ ایتیشیچه، نیچه ییل‌دن بویان ایریم تومن‌لرده «استراتیژیکی انبار» نامی تورت تامانلمه دیوارلر قوریلگن؛ لیکن بو انبارلر بوتونله‌ی بوش دیر.
