سیلاولر ایرکین کمیسیونی سیلاو یولگه قوییلمسدن آلدین، یالغیز بایومتریک قیلینگن آوازلر حساب‌لنیشی نی اعلام قیلگن ایدی.
بوندن آلدین، سیلاولر کمیسیونی اعضاسی مولانا‌محمد عبدالله خبری بیر ییغین‌ده ایتیشیچه، سیلاولر ایرکین کمیسیونی نینگ مرکزی سروری پاک و ناپاک آوازلرینی اَجره‌تیش گه قادر دیر.
افغانستان تنیق سیلاو بنیادی (تیفا) سوزلاوچیسی احمدزبیر حبیب‌زاده نینگ ایتیشیچه، بایومتریک اسکونه‌سی گروهلر و قطار کیشیلر تامانیدن ریجه‌لنگن ساخته‌کارلیک یوزبیرمه‌گن حالده، ساخته‌کارلیکلرگه توسیق بوله آله‌دی.
جناب حبیب‌زاده گه کوره، اولر سیلاولر کمیسیونی مسئوللریدن نیچه مرته مذکور کمیسیون مرکزی سروری توغریسیده معلومات بیریش‌لرینی سوره‌گن، بیراق بو توغریده هیچ قنده‌ی اقدام بولمه‌گن.
افغانستان ایرکین و عدالتلی سیلاو نهاد (فیفا) باشلیغی یوسف رشیدنینگ ایتیشیچه، سیلاو کمیسیونلر بایومتریک قیلینمه‌گن آوازلرنی حساب قیلمه‌گن صورتده، ساخته‌کارلیک میزانی قویی کیله‌دی.
جناب رشید گه کوره، یالغیز بایومتریک قیلینگن آوازلر حسابله‌نیب و اونگه علاوه کمیسیون تامانیدن آچیق و یاپیق قالگن مرکزلر، مواد انتقال بیریلگنی و شونینگدیک تخنیکی تیکشیریلگن حالده، سیلاو تنیق‌لیگی تضمین دیر.
بیراق تکنالوژی ایش بیلرمانلریدن قطاری نینگ ایتیشیچه، جمهورلیک ریاستی سیلاویده بایومتریک ایسکونه‌لریدن قوله‌نیلگن، بیراق ساخته‌کارلیک احتمالی موجود دیر.
شو توغریده:
- افغانستان جمهورلیک ریاست سیلاوی‌نینگ جریانی
عبدالله: یوقاری آواز قولگه کیلتیردیک و سیلاوده غالب چیقه‌میز
نبیل: سیلاو ایکینچی دور گه کیته‌دی
تکنالوژی بولیمی ایش بیلرمانلریدن بیری آغا ملوک سهار نینگ ایتیشیچه، بایومتریک ایسکونه‌لری درمالوگ نام‌لی آلمان‌لیک بیر شرکت‌دن ساتیب آلینگن و اوشبو ایسکونه‌لرگه تحلیل و تجزیه قیلیش امکانیتی یوق دیر.
جناب سهارگه کوره، بو ایسکونه‌لر ایکی مرته صورت آلینیش‌گه توسق بوله آلمه‌یدی و باشقه تاماندن منبع نینگ کدی سیلاولر ایرکین کمیسیونی اختیاریگه ایمس، یالغیز درمالوگ شرکتی ایسکونه گه انتقال بیریلگن معلومات‌لرنی تحلیل و تجزیه قیله آله‌دی.
اوتگن کونگه‌قدر سیلاولر ایرکین کمیسیونی نینگ مرکزی سروری فعال ایمس ایدی. بو توغریده سیلاولر ایرکین کمیسیونی مسووللری نینگ فکرینی آلیش اوچون سعی و حرکت قیلدیک، بیراق موفق بولمه‌دیک.
