مملکت مرکزی قسمیده جایلشگن بامیان ولایتی معارف ریاستی رسمی لرینینگ ایتیشیچه، دوشنبه کونی ایرتهلب مذکور ولایت ورس تومنی «بند کوسه» مکتبی نینگ قیزلر لیسه سیده 35 اوقووچی قیز زهرلنگن.
بامیان معارف باشلیغی رضا ادا نینگ ایتیشیچه، بو اوقووچیلر ایسیب، زیریکیب و کوچسیز بولگن لریدن کیین مذکور ولایت ورس تومنی مرکزی کسلخانهسیگه آلیب باریلگنلر.
جناب ادا نینگ سلام وطندارگه ایتیشیچه، بو اوقووچیلر دوشنبه کونی ساعت 11 ده زهرلنگن، حاضر اولرنینگ ساغلیق وضعیتی یخشی بولگن. اونینگ کوپیتیریشیچه، بو واقعه هم ایلگری زهرلنگنگن لیک حادثهلردیک حاضرگه قدر سبب بیللی بولمهگن.
بامیانده معارف باشلیغی گه کوره، بو اوقووچیلرنی کوپینچهسی یوقاری صنفلر و لیسه دوری اوقووچیلری بولگن.
بو اوتکن بیر آی جریانیده بامیانده تورتینچی مرته قیز اوقووچیلر زهرلنهدی و مملکت بویلب آلتینچی واقعه دییلهدی.
شونینگدیک انچه پیت آلدین بامیان ولایتی پنجاب تومنی، هرات و بدخشان ولایتلریده اونلرچه اوقووچی قیز زهرلنگن ایدی.
بامیان معارف رسمی لری نینگ ایتیشیچه، حاضرگه قدر بو زهرلنیشلرنی سببی بیللی ایمس، بیراق بو توغریده سعی و حرکت لر دوام ایتماقده.
شونینگدیک اوتکن ییللرده مملکت ایریم ولایتلریده قیز اوقووچیلر گروهی صورتده زهرلنگن ایدی.
مملکت سابق معارف وزیری فاروق وردک، مکتبلرده قیز اوقووچیلر زهرلهنیشینی یالغیز ادعا دیب، و بوندن کیین اوقووچیلر و اوقوتووچیلر بوندهی بیر ادعانی قیلمس لیکلرینی ایتکن ایدی.
