قلم کونی بامیاننینگ مدنیتچیلری تامانیدن نشانلندی.
بامیان مدنیتچیلریدن بیرقطاری، (جمعه کون کیچ قورون) بامیان شهری الکین چوکیده توپلهنیب ایتیشیچه، قلم اجتماع یوکسهلیشی و رواجلنیشی خصوصیده تأثیرچین رول اوینهیدی.
اوشبو مراسمنی یولگه قویگنلردن بیری قدرتالله فرزاننینگ سلاموطندارگه ایتیشیچه، بو توپلمدن مقصد قلمگه حرمت قایل بولیش دیر. اونگه کوره، افغانستان قیینچیلیگی اوروش و زورهوانلیک بیلن حل بولمهیدی و قلمدن یخشی بیرشکلده فایدهلنگن صورتده، کیلهجککه تینچلیک اوچون امید بیلدیریب بولهدی.
شونینگدیک، بامیان مدنیتچیلریدن بیری محمدامین ابتهاجنینگ ایتیشیچه، رسالتلی قلم، یازووچی تامانیدن عدالت اوچون ایشلهتیلهدی.
اوشبو مدنیتچیلر بیر نماییشی حرکت بیلن قطار بالهلرگه کتابچه و قلم ترقهتگنلر و بالهلر الکین یاغدوسیده یازیش و اوقیشگه باشلهگنلر.
بالهلرنینگ قولیده بولگن شعارلرنی بیریده بوندهی یازیلگن: «بیزلر یاغدولیکنی تعلیمات اوچون ایستهیمیز». بامیان مدنیتچیلرینینگ ایتیشیچه، اولر بو شعار بیلن، حکومتدن مملکتده برق ترقهتیش خصوصیده، تینگلیکنی کوزگه توتیشینی سورهگنلر.
«6- می» قلم کونی افغانستانده آز تانیلگن، بیراق مملکت مدنیتچیلری، هر ییل اوشبو کوندن نشانلب، بو کوننی خلقگه تانیشتیریش اوچون سعی و حرکت قیلهدیلر.
