اوشبو کتابخانه خلق ارا عیال‌لر ایامی مناسبتی اوچون بامیان ولایتی بوییچه عیال‌لر ریاستی تامانیدن آچیلگن.
بامیان ولایتی بوییچه عیال‌لر ریاستی مسووللری‌نینگ خلق ارا عیال‌لر ایامی‌دن نشانلش اوچون یولگه قوییلگن احتفال‌ده ایتیشیچه، اوشبو کتابخانه‌نینگ ایجاد ایتیلیشی‌دن مقصد عیال‌لر آره‌سیده کتاب اوقیش فرهنگی‌نی رواجلنتریش و اولرنینگ ظرفیت‌لرینی یوقاری ایلتیش دیر.
بامیان ولایتی بوییچه عیال‌لر ریاستی‌نی باشلیغی کریمه سالک نینگ ایتیشیچه، عیال‌لرنینگ کتاب اوقیش منبع‌لریگه قول تاپیش‌لری کیره‌ک.
بامیان عیاللریدن بیرقطاری‌نینگ اوشبو احتفال‌ده ایتیشیچه، بامیان‌ده کوپ قطار کتابخانه‌لر فعال دیر؛ بیراق اوشبو کتابخانه‌لرده عیال‌لر اوچون مناسب فضا یوق.
بامیان‌لیک عیال‌لرنینگ کوپه‌یتیریشیچه، بو ولایت عیال‌لری نسبی ایرکین‌لیککه قول تاپگن، بیراق اعیال‌لرگه ایترلیچه امکانیت یوق.
اوشبو کتابخانه کمیده 1 میلیون افغانی خرجت بیلن آقاخان کینگی‌تیریش بنیادی تامانیدن قوریلگن و بو کتابخانه‌ده مطالعه قیلیش سالون، 4 مینگ جلد کتاب و انترنتی خذمت‌لر موجود دیر.
عین‌حالده، بامیان عیاللریدن بیرقطاری، عیال‌لرگه قرشی زوراوانلیک و جنسیتی تبعیض‌نینگ نابود ایتیلیشی‌نی ایسته‌یدیلر.
بامیان ولایتی بوییچه عیال‌لر ریاستی مسووللریگه کوره، اوتگن ییل‌لرده قره‌گنده، عیال‌لرگه قرشی زوراوانلیک‌لر کمه‌یگن و عیال‌لرگه قرشی 160 زوراوانلیک واقعه‌دن 110 ته‌سی تیکشیریلگن.
