بامیان تجارت اتاغی نینگ مسووللری، مذکور ولایت سونگی ییل‌لرده کمدن – کم سرمایه یاتقیزیش گواهی بولگن‌لیگینی ایتگن‌لر. رسمیلر، مذکور ولایت‌ده سرمایه یاتقیزیش میزانی کمیگن‌لیگی خصوصی اداره‌لرنی امیدسیزلیگی‌دن درک بیره دی دیگن‌لر.
بامیان تجارت اتاغی نینگ مدیری علیرضا حسین‌زاده نینگ سلام وطندارگه ایتیشیچه، بو ولایت‌ده خصوصی سکتوری وضعیت خواطرلی دیر. جناب حسن‌زاده، خصوصی سکتور بامیان ولایتی‌ده ایریم معمالر جمله‌دن برق انرژیسی بولمه‌گن لیگیدن جدی اذیت چیکه‌دی دیگن.
ولایت تخارت اتاغی نینگ مدیری، اوتگن اون ییل جریاینده هم مذکور ولایت اوچون دییرلی اعتبار قره‌تیلمه‌گن. اونگه، کوره بامیان هنوزگه برق قوتی بیلن تامین ایتیلمه‌گن.
دولت‌نینگ بو ساحه‌گه اعتبار قرهتمه‌گن‌لیگی خصوصی سکتورلرنینگ سرمایه تاتقیزیشدن قول کوتاریشی‌گه سبب بولگنی ایتیله‌دی.
بامیان عیاللر سوداگرلیک بیرلشمه‌سی نینگ رییسی معصومه ابرهیمی نینگ سلاموطندارگه ایتیشیچه، افغانستان‌لیک عیال‌لرنینگ قول صنعی رواجله‌نیشی گه قرهمی، اما مرکزی حکومت بامیان‌لیک قول صنعت ایشینی قیله‌دیگن‌لرنی حمایت‌قیلمه‌من.
خانم ابراهیمی، چینلیک صفت‌سیز تورلر (کالالر)نی صادر ایتیلیشی عیاللر قول صنعتی نی جدی شکست‌گه دورچار قیلگن دیگن.
شونینگ دیک خانم ابراهیمی، دولتدن بو توغریده جدی اعتبار قره‌تیشی نی سوره‌گن.
عین‌حالده، بامیان شهرداری خادم حسین فطرت‌گه کوره، خاتین‌لر قول صنعتی فعالیتی اوچون مخصوص مکان نظرده توتیلگن.
شونینگ دیک عیاللر اوچون دکان هم ترقه‌تیب بیریلگن دیدی جناب فطرت.
عین‌حالده، بامیان ولایتی‌ده قول صنعت ایشی آزیگنی و سرمایه یاتقیزیش میزانی کَمیشی ولایت اقتصادی فعال‌لرنینگ هم خواطری‌گه سبب بولگن.
ولایت تجارت اتاغی نینگ رسمیلری، اوتگن ییل‌لرده بامیان‌ده آیده 3 مینگ متر قالین توقیلردی، اما بو رقم حاضرگی کونده 300 مترگه کمیگن.
