بامیان محلی مسؤوللری نینگ ایتیشیچه، اوشبو ولایت نینگ ماین تازه‌لاوچی عیاللری بیرینچی مرته قورال نظارت قیلیش خلق ارا تشکیلاتی تامانیدن میلادی 2019- ییل نینگ خلق ارا ساورینی گه نامزد بولیشگن.
بامیان ولایتی بوییچه اجتماعی ایشلر ریاستی اورین باسری لطیفه محسنی نینگ ایتیشیچه، اوشبو ساورینی قولگه کیریتیش اوچون هر ییل دنیا بیرقطار مملکت‌لریدن ماین تازه‌لاوچی عیاللر نامزد بولیشه‌دی و بو دور افغانستان شامل بیرقطار مملکت‌لردن 10 گروه اوشبو ساورینی‌گه نامزد بولیشگن‌لر.
خانم محسنی نینگ ایتیشیچه، بامیانلیک ماین تازه‌لاوچی عیاللر «قورال نظارت قیلیش خلق ارا نهادی» نینگ بو بیلشوویده اوزلرینی نامزد قیلیشگن‌لر.
بامیانلیک ماین تازه‌لاوچی عیاللر بیر تعلیمی دوره‌نی اوتکزگنیدن سونگ، میلادی 2018- ییلدن بویان اوروش‌لردن قالگن ماین‌لرنی تازه‌لش خصوصیده فعالیت قیله‌دیلر.
بامیانلیک ماین تازه‌لاوچی گروهی اعضاسی شریفه کریمی نینگ ایتیشیچه، اولر ایرکک ماین تازه‌لاوچی‌لر چکه‌سیده، قطار منطقه‌لرنی تازه‌لگن‌لر و اوشبو ساورینی قولگه کیریتیش‌لریدن امیدوار دیرلر.
بامیانده ماین و پارتلش ماده‌لر خصوصیده معلومات بیریش مسوولی زهرا رضایی نینگ ایتیشیچه، اولرنینگ 20 کیشی‌لیک گروهی ایریم بولیم‌لر جمله‌دن ماین‌لرنی بیکار قیلیش خصوصیده یخشی یوتوق‌لرگه قول تاپگن.
طبیعی حادثه‌لرگه قرشی کوره‌ش ایشلری بوییچه دولت وزیرلیگی نینگ ایتیشیچه، بامیانلیک ماین تازه‌لاوچی عیاللر گروهی چکه‌سیده، باشقه 9 گروه اوشبو ساورینی قولگه کیریتیش اوشبون نامزد قیلیشگن.
بامیانده «دی دی جی» ماین تازه‌لاوچی موسسه مسوولی عبدالحکیم نورزی نینگ ایتیشیچه، بامیانلیک عیاللر بو دور بیلشوولرده موفق بولیش چون سعی و حرکت قیله‌دیلر.
بامیان محلی مسووللری نینگ ماین تازه‌لاوچی عیاللرنینگ فعالیت‌لرینی تاثیرلی عنوان قیلیب ایتیشیچه، تیزلیک‌ک بامیان مملکت بوییچه ماین دن تازه‌لنگن ولایت صفتیده تانیله‌دی.
