بامیان ولایتی بوییچه عیاللر ریاستی و انسان حقلری ساحه‌وی کمیسیون مسؤوللری، اوشبو ولایتده 15 یاشر بیر قیز گروهی شکلده جنسی زورلنگنیدن خبر بیریشگن.
بامیان ولایتی بوییچه عیاللر ریاستی نینگ حقوقی مدیری عزیزه احمدی نینگ سلام‌وطندارگه ایتیشیچه، مذکور قیز کمیده 10 کون آلدین یکاولنگ تومنی مرکزی ده بیر داروخانه ده جنسی زورلنگن. اونگه کوره، واقعه عامل‌لریدن بیری پولیس تامانیدن قولگه آلینگن و باشقه 2 ته‌سی قاچیب کیتیشگن.
خانم احمدی نینگ کوپه‌یتیریشیچه، مذکور قیز حاضر عیاللردن حمایت قیلووچی اویده یشه‌یدی.
بامیان ولایتی بوییچه انسان حقلری ایرکین کمیسیونی نینگ ساحه‌وی دفتری باشلیغی جواد دادگر، مذکور ولایت نینگ پولیس قومندانلیگی، قاره‌لاوچیلیگی و باشقه اداره‌لرنینگ مسؤوللرینی عیاللرگه قرشی زوروانلیک قضیه‌لرنی تیکشیریش خصوصیده، بی‌فرق یانده‌شیش گه عیب‌لیدی. اونینگ ایتیشیچه، انسان حقلری کمیسیونی بو اداره‌لرگه مکتوب یوبارگونگه‌قدر اولر عیاللرگه قرشی زوروانلیک‌لرنی تیکشیریش گه حرکت قیلمه‌یدی. جناب دادگر، مذکور ولایتده جنسی زوروانلیک عامل‌لری قولگه آلینیشی نی ایسته‌یدی.
بامیان ولایتیده عیاللر ریاستی مسؤوللری و انسان حقلری کمیسیونی نینگ ساحه‌وی دفتری گه کوره، اوتگن آیده بو ولایتده عیاللرگه خاص 4 خودکشلیک واقعه و بیر عیال جنسی زورلنگنی رویخط‌گه آلینگن. بیراق اوشبو واقعه‌لر حاضرگچه پولیس و قاره‌لاوچیلیک تامانیدن تیکشیریلمه‌گن.
بیراق، بامیان پولیس قومندانلیگی نینگ جنایی مدیری محمدموسی امامی، عیاللرگه قرشی زوروانلیک قضیه‌لر تیکشیریلیشی خصوصیده، کم‌کارلیک‌نی رد قیلیب ایتیشیچه، زوروانلیک دوسیه‌لری جنایی پولیس تامانیدن تیکشیریلماقده.
شونینگدیک، بامیان ولایتی نینگ قاره‌لاوچیلیک اداره‌سیده عیاللرگه قرشی زوروانلیک‌نی یوق ایتیش و تدقیقات قیلیش بولیمی قاره‌لاوچیسی صفورا سعادت نینگ ایتیشیچه، بو ولایتده عدلی طب بولمه‌گنی باعث، اولر ایریم دوسیه‌لرنی تیکشیریلیشی اوچون کابل یوباریش گه مجبور بوله‌دی. خانم سعادت گه کوره، جاری ییل بامیان ولایتی نینگ قاره لاوچیلیک اداره سیده 70 واقعه رویخط گه آلینیب و کوپینچه‌سی تیکشیریلگن.
بامیان افغانستان مرکزی ده تینچ ولایت لردن بیری سنله دی. بیراق بو ییل زوروانلیک واقعه‌لری جمله‌دن جنسی تجاوز، خودکشلیک و عیاللرنی کلتک‌لش میزانی آشگن.
