.JPG)
بامیانلیک عذرا لعلی آتلی عیال، اوزی نینگ ایتیشیچه، 14 ییل آلدین 4 مینگ افغانی سرمایه بیلن بامیان شهریده قول صناعت ایشلب چیقریش بولیمی ده ایش گه باشله‌گن و حاضر باشقه 50 نیازمند عیال اوچون ایش قیلیش‌گه زمینه یرهتگن.
سلام‌وطندارگه خاص صحبت بیرگن عذرا لعلی نینگ ایتیشیچه، میلادی 2015- ییل‌ده بامیان محلی اداره‌سی تامانیدن «جامعه‌ده محنت‌کش عیال» صفتیده تقدیرلنگن و او زمانده سرمایه‌سی 4 مینگ افغانی دن 400 مینگ افغانی گه ییتیشگن ایکن.
افغانستانده عیاللرنینگ فعالیتی و ایش فضاسی خصوصیده طالبان گروهی نینگ قید و شرط‌لری و تینچلیک سوزلشوولریدن اوزاق «صلصال قول صناعت شرکتی» نامی‌ده قول صناعت ایشلب چیقریش اوستاخانه‌سیده فعالیت قیله‌دیگن عذرا نینگ ایتیشیچه، حاضر اوشبو اوستاخانه ده 50 عیال کییز، گلیم، جوراب و هزاره‌لرگه خاص کییم‌لرنی ایشلب چیقریش بولیم‌لرده فعالیت قیله‌دیلر.
خانم لعلی نینگ ایتیشیچه، مذکور شرکت یانیده 4 آی آلدین 200 مینگ افغانی گه باشقه بیر محلی قول تیکمه‌لر و گلیم بیلن بیزه‌له‌دیگن عیاللرگه خاص په‌یپاق و بیک ایشلب چیقره‌دیگن ایش‌خانه آچگن و بو ایش‌خانه هزاره‌لرگه خاص بومی کییم‌لر مدنیتی‌نی قیته‌دن رواجلنتیریش مقصد ده ایجاد ایتیلگن.
.JPG)
صلصال قول صناعت شرکتی‌ده فعالیت قیله‌دیگن عیاللردن بیرقطاری نینگ ایتیشیچه، قولگه کیریتگن درآمدلری بیلن عایله‌لری نینگ اقتصادی گه سهم آله‌دیلر.
خانم لعلی، قول صناعت‌لریگه بازار تاپیش و خام مواد تیارلش اوچون کابل و ننگرهار ولایت‌لریگه هم سفر قیله‌دی.
بامیان تأریخی بیر شهر صفتیده افغانستان مرکزی ناحیه‌سیده جایلشگن و بو ولایت‌ده عیاللر هم ایرکک‌لر بیلن بیرگه فعالیت قیله‌دیلر.
بامیان محلی اداره‌سی خلق ارا اداره‌لرنینگ همکارلیگی بیلن بامیان مرکزی و مذکور ولایت نینگ یکاولنگ تومنیده عیاللرگه خاص ایکی بازارچه ایجاد قیلگن و بو بازارچه‌لرده عیاللرنینگ قول صناعت‌لری تانیشتیریلیب و ساتیله‌دی.
