افغانستان بوییچه شفافیت اداره‌سی، اداری فسادگه قرشی کوره‌ش خلق ارا کونیده، فساد توغریسیده بولگن ینگی تدقیقاتی‌نی ترقتدی. اوشبو تدقیقات اساسیده، افغانستان‌نینگ 3 دولتی اداره‌سی اینگ فسادلی اداره تانیلگن و بو رویخط‌نی باشیده باش قاره‌لاوچیلیک قرار تاپگن.
افغانستان بوییچه شفافیت اداره‌سینی دادخواهلیک مسؤولی ناصر تیموری‌نینگ ایتیشیچه، بو گزارش تیارلنیشی اوچون 60 اداره اوستیدن تدقیقات اوتکزیلگن.
شونینگدیک، افغانستان بوییچه شفافیت اداره‌سینی تدقیقاتی گه کوره، مملکت اهالیسی‌دن 60% حاضرگی وضعیت‌دن راضی ایمس دیر و بو رقم میلادی 2016- ییل‌ده 54% گه ییتیشردی.
اوشبو تدقیقات اساسیده، ناتینچلیک یشاوچیلرنینگ اصلی خواطری دیر و بو موضوع دن سونگ، فساد و ایش‌سیزلیک مملکت یشاوچیلری‌نینگ اساسی خواطرلریدن سنله‌دی. اوتکزیلگن تدقیقات گه کوره، میلادی 2016- ییل گه قره‌گنده فساد میزانی 47% دن 33% گه کمه‌یگن.
شونده‌ی بیرحالده، بوگون جمهورلیک سرایی‌ده اداری فسادگه قرشی کوره‌ش خلق ارا کونی حکومت تامانیدن نشانلندی و بو ییغینده جمهور رئیس غنی‌نینگ ایتیشیچه، قضایی اداره‌لرده کینگ شکلده اصلاحات کیریتیلگن و شونینگدیک، قضایی اداره‌لرده دوسیه‌لرنی تیکشیریش جریانی چقانلشگن.
