کابل یشاوچیلری حکومت تامانیدن مدنی اعتراضلرگه قرشی جاده‌لرنی یاپیشیگه قره‌ته، حکومت شونده‌ی بیر حساس و یمان وضعیتده یشاوچیلرنی تحریک، محدود و روحیه‌لرینی اولدیریشگه حرکت قیله‌دی دیدیلر.
باشکینت یشاوچیلری اوزگریش قوزغلانی‌نینگ مدنی اعتراضلری بیلن بیرگه شهر بویلب یوللر یاپیلیشیدن شکایت قیلیب ایتیشلریچه، حکومت یشاوچیلر قیینچی‌لیگیگه دقت قیلمه‌یدی و حتی حساس شرایطده یشاوچیلر بیلن تیلله‌شیب توره‌دی.
کابل یشاوچیلریدن بصیر، بوگونکی یول یاپیقلیکلرگه اوره‌لیب قالگن ایکن سلام‌وطنداگه ایتیشیچه، هردایم حکومت یشاوچیلرگه قیینچ‌لیک یره‌ته‌دی.
کابل‌نینگ باشقه بیر یشاوچیسی عبدالرحیم کسلی هم بار ایکن ایتییشیچه، حکومت باشلیغ‌لری و سیاسی رهبرلرنینگ خانه‌دانی تشقی مملکتلرده، اما مسؤولیت سیزلیکلری و کفایت سیزلیکلری رنجینی اهالی چیکه‌دی.
سیاسی تحلیلچی‌لرنینگ ایتیشیچه، حکومت نینگ یشاوچیلر برابریده جبهه آلیشی، سیاسی وضعیتنی یمان راق قیلگن.
سیاسی تحلیلچی هادی میران‌نینگ ایتیشیچه، اساسی قانونگه قره‌گنده حکومت یشاوچیلرنینگ تظاهراتلری امنیتی‌نی آلیشگه مکلف؛ بیراق حکومت عکسینچه عمل قیله‌دی.
جناب میران‌گه کوره، حکومتنی بورچیگه توجه سیزلیگی، افغانستاننی سیاسی بحران تامان آلیب بارماقده.
حکومتنی یشاوچیلرگه قرشی عمل لریگه شو پیتده انتقادلر بولماقده که شو سونگی‌ده کابل یوکسک مدنی اعتراضلرگه شاهد بولدی و ایکی مرته امنیتی کوچلر کوتیلمه‌گن حالده و سابقه سیز شکلده اعتراض چیلر یوزیگه اوق اوزدی و نتیجه‌ده اونلرچه کیشی اولیب یره‌لندی.
