.jpg)
بوگون «شنبه» هوا دَغل‌لیگی‌نینگ آلدینی آلیش عالی کمیسیونی کابل هواسی دَغل‌لیگی‌نینگ میزانی آشگنی توغریسیده جواب بیریش اوچون نماینده‌لر کینگشی‌گه چقیریلدی.
هوا دَغل‌لیگی‌نینگ آلدینی آلیش عالی کمیسیون ایشلرینی قانیقرلی بیلمه‌گن نماینده‌لرنینگ ایتیشیچه، باشکینت هواسی دَغل‌لیگی‌نینگ آلدینی آلیش اوچون مذکور کمیسیون‌نینگ هیچ بیر برنامه‌سی یوق دیر.
اولرگه کوره، باشکینت یشاوچیلری هوا دَغل‌لیگی‌نینگ آلدینی آلیش عالی کمیسیون عملی ایش قیلیشی‌نی سوره‌گن.
هوا دَغل‌لیگی‌نینگ آلدینی آلیش عالی کمیسیون جوابلرینی قانیقرلی بیلمه‌گن نماینده‌لر کینگشی باشلیغی عبدالرووف ابراهیمی، کابل هواسی دَغل‌لیگی کمه‌ییشی خصوصیده، جدی برنامه‌لر قولگه آلینیب و عمل‌گه آشیریلیشی اوچون مذکور کمیسیون‌گه بیر یریم آی وقت بیردی.
عین حالده، نماینده‌لر کینگشی اعضاسی جعفر مهدوی‌نینگ ایتیشیچه، کابل هواسی دَغل‌لیگی‌نینگ آلدی آلینیشی اوچون هوا دَغل‌لیگی‌نینگ آلدینی آلیش عالی کمیسیونی تامانیدن قیسقه مدتلی، اورته مدتلی و اوزاق مدتلی برنامه‌لر قولگه آلینیشی لازم.
.jpg)
نماینده‌لر کینگشی اعضالریدن باشقه بیرقطاری‌نینگ ایتیشیچه، باشکینت هواسی‌نینگ حاضرگی وضعیتی یشش محیط قیین‌چیلیگی بولگن و هوا دَغل‌لیگی‌نینگ آلدینی آلیش عالی کمیسیونی بوتوغریده جدی چاره تدبیر کوریشی کیره‌ک.
عین حالده، باشکینت هواسی دغل‌لیگی‌نینگ حاضرگی وضعیتی‌دن ناراضیلیک بیلدیرگن هوا دَغل‌لیگی‌نینگ آلدینی آلیش عالی کمیسیون سرپرستی غلام‌محمد ملکیارنینگ ایتیشیچه، اوشبو وضعیت یخشی‌لنیشی اوچون ایجابی برنامه‌لرنی قولگه آلگن.
هوا دَغل‌لیگی‌نینگ آلدینی آلیش عالی کمیسیون سرپرستی‌گه کوره، باشکینت‌ده نقلیه واسطه‌لر میزانی آشگنی، کوچه‌لر و جاده‌لر توپراقلیگی و برق کیلیب و کیتیشی کابل هواسی دَغل‌لیگی کوپه‌ییشی‌گه سبب بولگن.
باشکینت یشاوچیلری هردایم هوا دَغل‌لیگی میزانی آشگنی و یشش محیط وضعیتی‌دن تاپیلگن کسل‌لیک‌لردن شکایت قیله‌دیلر، بیراق مسؤوللر هردایم ریجه و پلانلردن صحبت قیله‌دیلر.
