زمان اوتیشی بیلن قولی نقلیه واسطه‌لر و اولردن فایده‌لنیش‌گه قیزیقیش کونسایین کوپیماقده، بیراق شونده‌ی بیر شرایط‌ده باردی و کیلدیلری اوچون بایسکل‌دن فایده‌لنه‌دیگن آدملر هم موجود.
فاریاب ولایتی‌نینگ شهر قوریش ریاستی باشلیغی نورالله عمر، ایش کونلریدن کوپینچه‌سینی اویی‌دن ایش دفتری گچه بایسکل بیلن اوتکزه‌دی و بو ایشی‌دن راضیلیک بیلدیره‌دی. اونینگ ایتیشیچه، شهر قوریش ریاستی‌ده موتر کم‌لیگی، هر کون دفترده بولیش ضرورتی، گاوجوملیک و هوا دغل‌لیگی کمه‌ییشی توغریسیده سعی و حرکت قیلینیشی باعث، باردی و کیلدی ایشلری گه بایسکل دن فایده‌لنه‌دی.
فاریاب ولایتی شهر قوریش ریاستی باشلیغی‌نینگ کوپه‌یتیریشیچه، بو ولایت‌ده امنیتی وضعیت اونچه‌لیک یخشی ایمس دیر، بیراق او، بایسکل آرقه‌لی باریب و کیلیشیدن خواطرلنمه‌یدی.
جناب عمرنینگ ایشانچی‌گه کوره، جماعه‌ده اصلاحات کیریتیلیشی اوچون کیشی‌لر دستلب اوزلریدن باشلش‌لری کیره‌ک.
باشقه تاماندن، فاریاب ولایتی‌نینگ یشاوچیلری، مذکور ولایت شهر قوریش ریاستی باشلیغی‌نینگ بو ایشی‌دن راضیلیک بیلدیریب ایتیشیچه، رسمی‌لردن کوپینچه‌سی بو ایش‌گه قول اورگن صورتده، شهر ایچیده گاوجوملیک میزانی کمه‌ییب و باشقه‌لر اوچون یخشی اورنک بولیشی ممکن.
اوتگن ییل‌لرده میمنه شهری ایچیده موتر سایکل آرقه‌لی یوریش دولت تامانیدن منع ایتیلگن ایدی. شو یوزه‌دن، شخصی موتر آلیش‌گه قادر بولمه‌گن کیشی‌لر بایسکل‌دن ایش آلردیلر. بیراق، بو بیرینچی مرته کیم دولت مسؤوللریدن بیری اویی و دفتری آره‌سیده بولگن یول گه بایسکل آرقه‌لی باریب و کیله‌دی.
