.jpg)
رسانه‌لرگه ییتیب کیلگن حجت‌گه کوره، باشقره‌لاوچیلیک اداره‌سی هرات ولایتی کینگش باشلیغی کامران علی‌زایی که بوندن آلدین مملکت‌دن تشقری چیقیشگه رخصت بیریلمه‌گن ایدی، ملی امنیت و ایچکی ایشلر وزیرلیگی‌دن قولگه آلینیشینی سوره‌گن.
محلی اداره‌لر عنوانی آستیده یازیلگن نامه‌ده، جناب علی‌زایی هرات استیناف محکمه‌سیدن بیر متهم‌نی قاچیریش‌گه عیب‌لنگن و باید بو شخص قولگه آلینسه دیب یازگن .هرات ولایتی کینگش باشلیغی نینگ توتیش امری صادر قیلینمسدن آلدین، اسمی سیر سقلنیشینی ایسته‌گن ولایت باشقره‌لاوچیلیک داره‌سی رسمی‌لریدن بیری نینگ سلام‌وطندارگه ایتیشیچه، اوتگن کون (چهارشنبه) جناب علی‌زایی قوریغ‌ماللری بیلن باشقره‌لاوچیلیک اداره‌سیگه هجوم ایلتیب اداری فسادگه عیب‌لنیب قولگه آلینگن عامه فواید ریاست ایشلاوچیلریدن بیرینی قاچیرگن.
بو باشقره‌لاوچلیک اداره رسمی‌لریگه کوره، هرات ولایتی کینگش باشلیغی قوریغ‌ماللری باشقره‌لاوچلیک اداره باشلیغی قوریغ‌ماللرینی کلت‌کله گن‌لیگی هم ایتیلماقده و بولر والی بیلن بیر اولتیریش آلیب معمالر حل ایتیلیشینی سوره‌گنلر.
اما بوگون جناب علی‌زایی هرات‌ده خبری انجمن آلیب جمهور رییس و اهالیدن باشقه اونی ایشدن آلیشگه حقی یوق ایکن‌لیگینی معلوم قیلدی و هرات ولایتی کینگش باشلیغی حیثیده وظیفه‌سیگه دوام بیریشنی تیلگه آلدی. هرات ولایتی کینگش باشلیغی قانونگه قرشی عمل قیلمه‌گن‌لیگینی اظهار ایته‌دی و بورچیگه یره‌شه گناه‌سیز خلق‌لر حقیدن دفاع قیلیش نیتیده هرات باشقره‌لاوچلیک اداره‌سیگه کیرگن.
جناب علی‌زی هرات محلی رسمی‌لریگه جواب بیرمسلیگی‌گه تأکید قیله‌دی و مرکزی حکومتدن هراتگه بیر هیأت یوباریشینی سوره‌یدی. هرات ولایتی کینگش باشلیغی قاچتیرگن شخص ولایت عامه فواید ریاست انجنیری بولگن و نیچه پیت آلدین 8 مینگ دالر پاره آلیشی بیلن توتیلگن ایدی.
هرات والیسی نینگ مطبوعات دفتری رسانه‌لرگه خبرنامه یوباریشی بیلن موضوع‌نی تأیید قیلگن و بو عملنی باشقره‌لاوچلیک اداره‌سی ایشلریگه اره‌لش و عدلی و قضایی اداره‌لر حریمی‌گه تعرض قیلیش دیگن.
