موصل عراق‌نینگ مدنی جهت‌دن اینگ بای، دینی جهت‌دن اینگ رنگ برنگ شهرلریدن. اما «اسلامی دولت» موصل‌نی اوز رویخطی‌ده دیب اعلان قیلگنی‌دن بیری او ییرده‌گی بی بها مدنی میراث جدی خوف آستی‌ده قالدی. جنگری‌لرنینگ سونگی قربان‌لری‌دن بیری موصل موزیم‌ده‌گی دُر دانه‌لر.
«اسلامی دولت» جنگری گروهی عراق‌ده مینگلب ییللر دوامی‌ده کوزنی قووانتیریب تورگن بی بها صنعت اثرلرینی بیر نیچه دقیقه ایچی‌ده ییر بیلن یکسان قیلدی.
بوندن بیر نیچه کون آلدین ترقلگن ویدیوده جنگری‌لر موصل موزیم‌ده‌گی هیکل‌لرنی بوزه‌یاتگنی تصویرلنه‌دی. شیکاکو بیلیم یورتی قاشی‌ده‌گی شرقشناس‌لیک انیستیوتی خادم‌لری بونی کوریب، حیرت‌گه کیلدی.
«بونی کورگن‌دن کیین توشکون‌للیک‌که توشمی بولمیدی. بوتون عمر ایشله‌گنیمیز نرسه‌لر بیر دمده یوق بولدی» – دیدی شیکاگو بیلیم یورتی پروفیسوری.
او موصل‌ده ایشلنگن، ویدیوده بوزیلگنی تصویرلنگن اثرلرنی یخشی بیله‌دی، اولرنی اورگنگن.
ایریم‌لر اصل اثرنینگ نسخه‌سی خلاص، دیدی او. اما حقیقی دُردانه‌لر هم بار. هیکل‌لردن بیری، قنات‌لی بوقه، 2500 یاش‌ده ایدی.
«بوقه‌لرنینگ بیری جوده یخشی سقلنگن ایدی، اونینگ تومشوق قسمی‌نی میجیقلب تشله‌دی» دیدی پروفیسور.
قنات‌لی بوقه‌نی 20 عصرنینگ 20 و 30 – ییل‌لرده شیکاگو بیلیم یورتی آبده‌لر قازیب تاپگن.
اونگه اوخشش ینه بیر هیکل اوشه ییل‌لری تاپیلگن و حاضر شیکاگو بیلیم یورتی‌نینگ شرقشناس‌لیک بولیمی موزیمی‌ده سقلنه‌دی.
امریکا دولت دپلومات‌لری‌نینگ مدنی میراث دستوری رهبری لارا تیدیسکا واقعه جنگری لرنینگ «مدنیت‌گه قرشی لیگی»دیدی.
صنعت اثرلرنینگ بوزیش آرتی‌ده قطار سببلر بار. بیرینچی بار، جنگری‌لر اوچون بو هیکل‌لر بُت پرست‌لیک سیماسیدیر. شو بیلن بیرگه، اولر عراق و سوریه همده بوتون دنیا اهالی‌سی‌گه «اسلامی دولت» گروهی نینگ قدرتی‌نی نمایش قیلماقچی و باشقه‌لرنینگ غضبی‌نی قوزغتماقچی» دیدی او.
دیتدیسکانینگ اوزی افغانشناس 2001- ییل‌ده طالب‌لر به هیبت بودا هیکل‌لرینی، آلتینچی عصردن میراث قالگن جواهرات‌نی ویران قیلگنی‌نی ایسلیدی.
«بو هم اوزگه خاص قتلم. تاریخی آبده‌لرنی یوق قیلیش آرقه‌لی خلق اوتمیشی‌دن جدا قیلینه‌دی. بوتون باشلی ایلت‌نینگ اوزلیگنی یوق قیلش بو» دیدی تیدیسکا.
پروفیسور گیبا‌سان بودا هیکل‌لرینی 1969- ییل‌ده افغانستان‌گه بارگنی‌ده کورگن. ایندی ایسه اولرنینگ فقط صورتی، خاطره‌سی قالدی.
«مدنیت اوزنی ینگیلی آلمیدی. یوق قیلینسه، قیته تیکلنمیدی. بو صنعت اثرلری ایندی یوق و هیچ قچان قیتمیدی»
موصل‌ده‌گی واشنگتن‌دن تشقری گیباسان‌نی تشویش‌لنتیره‌یاتگنی – اثرلرنینگ قاره بازارده پول‌لنیشدی. بی بها دُر دانه‌لرگه اوچ آدم‌لر کم ایمس. اولر سوره‌لگن نرخنی بیریش‌گه و اثرلرنینگ کیلیب چیقیشی بیلن قیزیقمس‌لیک‌که اورگنگن.
