د بارسلونا اتلولي په تېره اونۍ کې نهايي شوې وه. د تېرې شپې په لوبه کې دپرتیولاکرونیا له لوبډلې سره ۲ـ۲ په مساوي والي سره یې د دغه جام اتلولي وګټله.
د لوبې ښه پیل د بارسلونا له خوا وشو او د لوبې په ۵ دقیقه کې یې د بارسلونا لوبډلې لوبغاړي لیونل میسي د لوبې لومړی ګول وواهه.
له لومړي ګل له وهلو وروسته بارسلونا هڅه وکړه، چې نور ګولونه هم ووهي، خو د دپرتیولاکرونیا لوبډلې ګول ساتونکی یې د ضربو په مقابل کې مانع شو. د لوبې لومړۍ نیمايي برخه د میسي په یوه ګول سره پای ته ورسېده.
د لوبې په دویمه نیمايي کې چې د کوچ په نامه مشهوره ده، په ۵۹ دقیقه کې میسي یو ځل بیا د مقابل ټیم پر دزوازې هجوم ور وړ او لوبه یې د ۲-۰ سره مساوي کړه. د بارسلونا له دویم ګول نه وروسته دپرتیولاکرونیا د لوبډلې له خوا په ۶۷ دقیقه کې پر بارسلونايي لوبډلې ګول وواهه.
دغه ګول دپرتیولاکرونیا لوبډلې روحیه قوی کړه او د دې لامل شو، چې د لوبې په ۷۶ دقیقه کې پر بارسلونا لوبډلې دویم ګول هم ووهي.
په دغې سیالۍ کې دواړو لوبډلو ډېرې موکې له لاسه ورکړې او بلاخره سیالي د ۲-۲ پای ته ورسېده.
دا سیالۍ پر داسې مهال کېږي، چې د بارسلونا د لوبډلې قوي او باتجربه لوبغاړی هرناندز له ۲۴ تجربې وروسته له بارسلونا لوبډلې خدای په اماني واخیسته.
د لنډو پاسونو له بادشاه سره خدای په اماني
ژاوي هرناندز د بارسلونا لوبډلمشر، چې د لنډو پاسونو په بادشاه مشهور دی، د اتم ځل لپاره یې د لالیګا په جام کې خپله لوبډله وځلوله او تماشه چیان یې خوشاله ساتلي وو؛ له کلونو وروسته له خپل ټیم سره خدای په اماني وکړه.
ژاوي هرناندز چې د اسپانیا په ملي لوبډله کې هم لوبېږي؛ له ۱۱ کلنۍ راهیسې د بارسلونا په کلوب کې لوبېږي.
ژاوي په ۱۹۸۰ زېږديز کال کې د اسپانیا په تراسا کې دې نړۍ ته سترګې پرانیستي دي. تر اوسه یې یې په ۸۲۵ سیالیو کې ګدون کړی دی او ۸۷ ګولونه یې وهلي دي. دی د بارسلونا لومړی لوبغاړی دی، چې ۱۵۰ نړیوالې لوبو کې د لوبېدو ویاړ ور په برخه شوی دی.
دغه ۳۵ کلن لوبغاړی اوسمهال له السعد قطر له لوبډلې سره یوځای شوی دی او د یو ځای کېدو په اړه یې وویل: "سخته پرېکړه ده، خو مسلکي ژوند له دې نور نه شي ښه کېدلی."
هغه هیله من دی، چې ډېر ژر به بېرته له بارسلونا لوبډلې سره یوځای شي.
