د بارسلونا لوبډله د نړۍ له زیات پلوو او مشهورو لوبډلو نه ده، چې تېره شپه د اتلتیک بیلبائو لوبډلې ته یې ۳ـ ۰ ماتې ورکړه او د اسپانیا حذفي لیګ د اتلولۍ جام یې وګټلو.
د لوبې په لومړۍ نیمایې کې لیونل مسې وکولی شول، چې څلور لوبغاړي له مخې پورته کړل او د لوبې لومړنی توپ یې هدف ته ورساوه.
بارسلونه له لومړي ګول وهلو وروسته خپلو یرغلیزو بریدونو ته دوام ورکړ او د دغې لوبډلې یو بل ستوري برازیلي نیمار د سیالې لوبډلې د ګول دورازه د دویم ځل له پاره ټارګېټ کړه.
د لوبې لومړنۍ نیمایې په ۲ ـ۰ سره پای ته ورسېده. سیالې لوبډلې د پرلپسې یرغلیزو بریدونو سره – سره ونه توانیدله، چې د بیلبائو له دروازه ساتونکي نه توپ خپل هدف ته ورسوي.
په دویمه نیمايي کې لوییس انریکه، چې د بارسلونا د لوبډلې روزنکی و، وکولی شول د خپلې لوبډلې مرال لوړ وساتي او د زرګونو نندارچیانو پام يې ځانته راواړولو.
د لوبې په ۷۴ مه دقیقه کې مسي د خپلې لوبډلې په ګټه ګول ووهلو.
سیاله لوبډله په ټول توان او فشار سره په دې وتوانیدله، چې د لوبې په ۷۹ مه دقیقه کې یو ګول ووهي.
په وروستیو شېبو کې لوبه ډېره قهرجنه شوه، خو یوې لوبډلې هم ونه شو کولی، چې ګول ووهي.
له دې مخکې د بارسلونا لوبډله د اسپانیا د لالیګای د جام ګټونکی شو او په دې سره یې د کال دویم جام خپل کړ.
اوس مهال دغې لوبډلې د اروپا لیګ جام سیالیو ته چمتووالي ښيي.
