د بادغیس ولایت د امنیې قوماندانۍ د امنیت امر غلام سرور حیدري وايي، تېره شپه وسلهوالو طالبانو د دې ولایت مرکز کلاینو اړوند په باغبانان سیمه کې د رایه ورکوونکیو نوم لیکنې پر یو مرکز برید کړی دی.
د امنیت امر غلام سرور حیدري وايي، په دغه برید کې ۹ پولیس سرتېري وژل شوي او ۴ تنه یې ټپيان شوي دي.
خو د ولایتي شورا رییس خان جان ظفر سلاموطندار ته وویل، د تېرې شپې په برید کې ۶ تنه پولیس وژل شوي او دوه تنه نور یې ټپيان شوي دي.
څو ورځې مخکې هم وسلهوالو طالبانو په دغه ولایت کې د رایه ورکوونکیو پر یو مرکز راکټي برید کړی و چې پایله کې یې یو سرتېری وژل شوی و او یو بل ټپي شوی و.
د دې پېښې مسوولیت هم طالبانو اخیستی دی.
