بادغیس ولایتی‌نینگ ساغلیق‌نی سقلش ریاستی مسؤول‌لری‌نینگ ایتشیچه، مذکور ولایت‌ده قوراللی طالب‌لر نظارت‌لریده‌گی 8 ساغلیق‌نی سقلش مرکزنی یاپیب و بو مرکزلر قیته‌دن آچیلمه‌سی اوچون آگاه‌لنتیرگن‌لر.
اوشبو ولایت‌نینگ ساغلیق‌نی سقلش مرکزی وقتینچه‌لیک باشلیغی عبدالطیف روستایی‌نینگ ایتیشیچه، 5 مرکز بالامرغاب تومنی‌ده، 2 مرکز آب‌کمری تومنی‌ده و باشقه بیر مرکز قادس تومنی‌نینگ درۀ بوم قیشلاغیده جایلشگن و بو منطقه‌لر قوراللی طالب‌لرنینگ نظارتی‌ده بولگن. اونگه کوره، ساغلیق‌نی سقلش ریاستی‌گه یاردم بیرووچی دفتر «Move» نینگ باشلیغی، قوراللی طالب‌لرگه سوز بیرگن کیم، اولرگه کیره‌ک بولگن دارو و یره‌لنگنلرینی عملیات قیلیش امکانیتی‌نی اوشبو 8 مرکزده تیارله‌یدی، بیراق حاضرگچه بو سوزلر عمل‌گه آشیریلمه‌گنی سبب، طالب‌لر مرکزلرنی یاپگن.
شونینگ‌دیک، بادغیس مدنی فعال‌لری، ساغلیق‌نی سقلش مرکزلری یاپیلگنی‌دن خواطر بیلدیریب ایتیش‌لریچه، حکومت بو مرکزلرنی آچیش‌گه چاره تدبیر کورمه‌گن صورتده، کسل‌لر قربان بوله‌دی.
بیراق، بادغیس حاکمی‌نینگ سوزلاوچیسی ظاهر بهاند، 8 ساغلیق‌نی سقلش مرکز، طالب‌لر تامانیدن یاپیلگنینی رد قیلیب ایتیشیچه، بو ولایت‌ده یالغیز ساغلیق‌نی سقلش ایکی مرکز یاپیلگن، حاضر بیری آچیلگن و باشقه بیری دارو یوقلیگی سبب یاپیق قالگن و بو هم تیزلیک‌ده آچیله‌دی. اونگه کوره، انچه وقت آلدین، آب کمری و قادس تومن‌لریده 3 ساغلیق‌نی سقلش مرکز یاپیلگن ایدی، بیراق حاضر هیچ بیر قیین‌چیلیک یوق و بو مرکزلر فعالیت‌لریگه دوام بیرماقده‌لر.
شونینگ‌دیک، بادغیس اهالیسی، اوشبو ولایت‌نینگ بالامرغاب، آب‌کمری و قادس تومن‌لرینی اینگ ناتینچ منطقه‌لردن دیب ایتیشیچه، بو تومن‌لرده طالب‌لر کینگ شکلده فعالیت قیلیب و ایسته‌گن ایشلرینی عمل‌گه آشیره‌دیلر.
