بادغیس ولایتی‌نینگ ولایتی کینگش باشلیغی: اگر مرکزی حکومت دقت قیلمسه، برچه محلی رسمی‌لر هلاک بولیش‌لری ممکن.
اولکه غربی‌ده بادغیس ولایتی رسمی‌لری‌نینگ ایتیشیچه، مذکور ولایت جوند تومنی اوتکن کیچه طالب‌لر قولیگه توشگن.
بوگون ایرته‌لب بادغیس ولایتی کینگش باشلیغی بهاءالدین قادسی‌نینگ سلام‌وطندار بیلن تیلفون آرقه‌لی سوزله‌شیب ایتیشیچه، اوتکن آقشام کیش قوروند کمی‌ده 700 الی 800 جنگری طالب‌لر بادغیس ولایتی‌نینگ جوند تومنی اوستی‌گه هجوم اویوشتیریلگن، مذکور تومن کیچه ساعت 2 ده جنگری طالب‌لر قولیگه توشگن.
محل یشاوچیلری‌نینگ ایتیش‌لریچه کیمی‌ده 1200 طالب بو تومنده هجوم اویوشتیرگن ایکنلر.
جناب قادسی‌گه کوره، برچه محلی رسمی‌لر، ده نو ناملی منطقه‌ده یاشینیب، جنگری طالب‌لر قمراویگه قالگن. بادغیس ولایت کینگش باشلیغی‌نینگ آگاه‌لنتیریشیچه، مرکزی حکومت دقت قیلمه گن صورت‌ده، برچه محلی رسمی‌لر هلاک بولیش‌لری ممکن.
بادغیس امنیتی رسمی‌لری بو توغریده حاضرگچه بیر نرسه دیمه‌گن.
فراه ده جنگری طالب‌لر و امنیتی کوچلر ارا سیده توقنه شوولر 18 ساعت دوام ایتگن
فراه ده توقنه شوو یکونلندی
باشقه تماندن فراه ولایتی‌نینگ اردو سوزلاوچی‌سی عبدالرؤوف رحمانی‌نینگ یک‌شنبه کونی ایرته‌لب سلام‌وطندار بیلن تلیفون آرقه‌لی سوزله‌شیب ایتیشچه، جنگری طالب‌لر بیلن امنیتی کوچلر ارا توقنه‌شوولر 18 ساعت دوام ایتیب، اوتکن کیچه ساعت 10 اطرافی‌ده یکونله‌گن.
شنبه کونی ایرته‌لب ساعت 5 ده جنگری طالب‌لر گروهی شکلی‌ده فراه‌رود قتناو یولی و هرات – قندهار قتناو یولی‌ده جایلشگن بالابلوک تومنی‌نینگ بازاری امنیتی پوسته‌لری‌گه هجوم اویوشتیریلگن.
جناب رحمانی‌گه کوره، مذکور هجوم‌ده 5 کیشی جنگری طالب‌لر تانیقلی قومندانی قوشیمچه 31 طالب هلاک بولگن و باشقه 40 ته‌سی تن جراحت آلگن.
فراه ولایتی‌نینگ اردو سوزلاوچی‌سی‌نینگ ایتیشیچه، اوشبو توقنه شوولرده بیر محلی پولیس هلاک و تورت اردو عسکری یره‌لنگن.
بیراق طالب‌لر حاضرگچه بو توغریده بیر نرسه دیمه‌گن.
جنگری طالب‌لر هجومی اولکه ایریم منطقه‌لریده شدت تاپگن و امنیتی کوچلر حاضرگی کونلرده نیچه تمانلمه طالب‌لرگه قرشی اوروشیب کیلماقده‌لر.
