بادغیس محلی رسمی‌لری‌نینگ ایتیشیچه، 150 قورالی طالب تینچ‌لیک پروسه سیگه قوشیلگن.
رسمی‌لرگه کوره، تینچ‌لیک پروسه سیگه قوشیلگن کیشی‌لر ایکی ییلدن بویان بادغیس آب‌کمری تومنیده 10 قورالی گروه چارچوبه سیده دولت‌گه قرشی فعالیت قیلیب کیلماقده ایکنلر.
بادغیس ولایت اورین باسری قمرالدین شکیب نینگ سلام‌وطندارگه ایتیشیچه، بو لر قولیده‌گی 150 میل اینگیل آغیر قورال اسلحه بیلن دولت‌گه قوشیلگن.
شونینگ‌دیک بوگروه باشلیغ‌لریدن بیری بازمحمدنینگ ایتیشیچه، ایکی ییلدن بیری ملی امنیت ریاستی، ایچکی ایشلر وزیرلیگی استخباراتی و بادغیس پولیس باشلیغی بیلن تماسده ایکن. اونینگ کوپه‌یتیریشیچه، بوندن بویان امنیتی کوچلر یانیده بولیب منطقه‌لری امنیتی یخشی لنیشی اوچون سعی و حرکت قیله‌دی.
بادغیس محلی رسمی‌لریگه کوره، بوتینچ‌لیک پروسه سیگه قوشیلگن‌لر مذکور کینگش گه ثبت بولیب کیله‌سی آلتی آیگچه بولرگه آیلیک بیریلیشی کوزه تیلگن.
بادغیس اولکه ناتینچ ولایت‌لریدن سنله‌دی، اونده بیرار پیت طالب‌لر بیلن امنیتی کوچلر توقنه شوولریگه شاهد بوله‌میز.
بوشوپیتده بوله‌دیکه اوتگن هفته افغانستان دولتی طالب‌لر نماینده‌لری بیلن پاکستان اسلام‌آباد شهریده بیرینچی تینچ‌لیک اوتکزدی.
حکومت رسمی‌لری افغانستانده دایمی تینچ‌لیک و ثبات کیلیش اوچون مذکور اولتیریشنی مثبت بیله‌دی. کیله‌سی تینچ‌لیک اولتیریشی رمضان مبارک آیدن کیین بولیشی کوزه تیلگن.
