بادغیس ولایتی‌نینگ محلی یوقاری مرتبه‌لی رسمیلری، اوشبو ولایت‌ده طالبان‌نینگ استیناف محکمه‌سی باشلیغی قاضی‌احمد نینگ اوغلی آخندزاده عبدالرحمان عمه‌سینی قیزی بولمیش قَیین آغه‌سی‌نینگ تورموش اورتاغی بیلن اوزاق وقت‌دن بیری جنسی علاقه‌سی بولگن لیگینی ایتگن‌لر.
بادغیس ولایت والیسی‌نینگ سوزلاوچی‌سی خالداحمدصافی خبرنی تصدیقلب ایتیشیچه، آخندزاده عبدالرحمن بادغیس ولایتی‌نینگ قادس تومنی‌ده طالبان حرکتی‌نینگ مهم قوماندانلریدن بولگن. او، اوتگن کون (شنبه) قَیین آغه‌سی‌نینگ تورموش اورتاغی بیلن جنسی علاقه‌ده بولگن پیت‌ده مذکور خانم‌نینگ ایری تامانیدن اولدیریلگن.
مذکور شخص تورموش اورتاغی‌نی هم آتیب اولدیرگن.
جناب صافی، اولدیریلگن خاتین اوزاق وقت‌لردن بیری آخندزاده بیلن نا قانونی جنسی علاقه‌سی بار ایکن‌لیگینی تصدیق‌له‌گن.
بادغیس ولایت والیسی‌نینگ سوزلاوچی‌سی، آخندزاده‌نینگ آته‌سی ولایت‌ده طالب‌لرنینگ تانیقلی قاضی‌لریدن ایکن لیگینی بیدلیرگن. ایتیلیشیچه، کوپینچه صحرایی محکمه‌لر اوشبو قاضی تامانیدن صادر ایتیلگن.
صافی‌گه کوره، حادثه طالب‌لرنینگ نظارتی‌ده بولگن منطقه‌ده یوز بیریشی‌گه قره‌می، ملی کوچلری قاتل قول‌گه آلینیشی اوچون سعی و حرکت باشله‌گن لیک‌لرینی بیلدیرگن.
اوز نامی فاش ایتیلمس‌لیک شرطی بیلن سلام‌وطندار ترماغی‌گه صحبت بیرگن محلی بلند مرتبه‌لی بیر رسمی، واقعه قوراللی طالب‌لر اشغالیده بولگن محل‌ده روی بیرگن، ملی کوچلر قاتل‌نی قول‌گه آلیش‌لری ممکن ایمس لیگینی ایتگن.
حادثه قادس تومنی‌نینگ کاریز میرزای منطقه‌سیده روی بیرگن.
