بادغیس ولایتی کینگش اورین باسری عبدالله افضلی نینگ سلام‌وطندارگه ایتیشیچه، طالبان جنگریلری اوتگن کونی شام چاغیده اوشبو ولایت آبکمری تومنی اوستیگه هجوم قیلیب و بو تومنی تصرف قیلگن.
افضلی گه کوره، طالبان جنگریلری تومن بناسی، پولیس قومندانلیگی و ملی اردو کندکی‌نی تصرف قیلگنی‌دن سونگ، بنالرنی اوتگه تارتیب و بوتون حربی تجهیزات‌لرنی اوزلری بیلن آلیب کیتگن.
اونینگ کوپه‌یتیریشیچه، طالبان گروهی بوگون ایرته‌لب تومن بازارینی ترک قیلگن و حاضرده بازار اطرافیده اوروش‌نی دوامی بار.
جناب افضلی نینگ بالامرغاب تومنی خصوصیده ایتیشیچه، بو تومن‌ده کمکی کوچلر بارگنی‌دن سونگ، پولیس قومندانلیگی و ملی اردو قرارگاهی طالبان قمراویدن چیقگن.
اونینگ کوپه‌یتیریشیچه، بالامرغاب تومنیده اوروش نینگ دوامی بار و طالبان جنگریلری اوشبو تومن مرکزی‌دن کیینگه اوریلگن‌لر.
عین‌حالده، بادغیس ولایتی کینگش باشلیغی عبدالعزیزبیک نینگ سلام‌وطندارگه ایتیشیچه، طالبان گروهی اوتگن کونی عصر چاغیده تومن بناسی‌نی تصرف قیلگن‌لر، بیراق پولیس قومندانلیگی و ملی اردو قرارگاهی‌نی تصرف قیلیش‌گه موفق بولمه‌گن.
شوتوغریده…
- بادغیس ده طالبان هجومی نتیجه‌سیده 17 حربی عسکر هلاک ایتیلگن
بادغیس؛ 3 پوسته طالبلرنینگ نظارتی‌گه اوتگن
بادغیس ولایتی کینگش باشلیغی نینگ بالامرغاب وضعیتی‌دن خواطر بیلدیریب ایتیشیچه، حاضرگه‌قدر امنیتی کوچلردن 50 ته‌سی هلاک ایتیلیب و یره‌لنگن‌لر.
عین‌حالده، بادغیس حاکمی عبدالغفور ملکزی نینگ ایتیشیچه، بالامرغاب تومنیده کمکی کوچلر یوباریلگنی‌دن سونگ، طالبان گروهی بو تومنی ترک قیلگن.
بادغیس حاکمی‌نی آبکمری تومنی نینگ سقوط قیلگنی‌نی رد قیلیب ایتیشیچه، طالبان گروهی اوتگن کونی شام چاغیده، آبکمری تومنی اوستیگه هجوم قیلگن، بیراق بو تومنی تصرف قیلیش‌گه موفق بولمه‌گن.
بادغیس حاکمی نینگ کوپه‌یتیریشیچه، بالامرغاب تومنی‌نینگ تلفاتی توغریسیده بیللی ارقام قولگه یوق، بیراق آبکمری تومنیده ملی اردو کوچلریدن 2 ته‌سی هلاک ایتیلگن.
طالبان گروهی‌نی سوزلاوچی‌لریدن بیری قاری یوسف احمدی نینگ بیر خبرنامه آرقه‌لی ایتیشیچه، آبکمری تومنی‌نینگ بناسی، پولیس قومندانلیگی و ملی اردو قرارگاهی اوشبو گروه قولیگه توشگن.
