سلام‌وطندارگه صحبت بیرگن غزنی ولایت کینگشی باشلیغی لطیفه اکبری‌نینگ ایتیشیچه، ارزگان‌خاص تومنی‌نینگ کوندلان و حسینی قیشلاقلریده 2 کون آلدین طالبلر و محل اهالیسی آره‌سیده آتیشمه باشلنگن و حاضرگچه جدی شکلده دوام ایتماقده.
خانم اکبری گه کوره، اوشبو آتیشمه‌لرنی نتیجه‌سیده حاضرگچه 150 عایله بدرغه بولیب و غزنی‌نینگ مالستان تومنیده جایلشگن‌لر.
غزنی ولایت کینگشی باشلیغی، محلی پولیس قومندانی حیکم شجاعی یره‌لنگنی و اونینگ 5 قوروقچیسی هلاک ایتیلگنینی تصدیق‌لیدی.
غزنی ولایت کینگشی اعضاسی محمدنعیم توحیدی‌نینگ ایتیشیچه، اوشبو آتیشمه‌لر قوراللی طالبلر ارزگان‌خاص تومنی‌نینگ یشاوچیلریدن نیچه کیشی‌نی باج بیرمسلیک جرمی بیلن گروگه آلیب و نیچه اوینی اوتگه یاندیرگن‌لریدن باشلنگن.
توحیدی گه کوره، بو واقعه‌دن سونگ محلی اهالیسی طالبلر بیلن توقنشگن و حاضرگچه محل یشاوچیلریدن 15 ته‌سی هلاک و باشقه 6 ته‌سی یره‌لنگن.
قوراللی طالبلر بیر خبرنامه ترقه‌تیب ایتیشیچه، ارزگان‌خاص تومنیده محلی پولیس مرکزی اوستیگه اولر تامانیدن اویوشتیریلگن هجوملر نتیجه‌سیده، محلی پولیس عسکرلریدن 20 ته‌سی هلاک و مذکور تومنده محلی پولیس قومندانی حکیم شجاعی یره‌لنگن.
شونینگدیک، بو گزارش‌ده غزنی امنیتی مسؤوللری‌نینگ فکرینی اورگه‌نیش اوچون علاقه قوردیک؛ بیراق کیین مه کیین قونغیراقلر نتیجه‌سیده مؤفق بولمه‌دیک.
