کانلر و پترولیم وزیرلیگی سرپرستی نرگس نهان‌نینگ ایتیشیچه، اقتصاد عالی کینگشی‌نینگ قراری اساسیده، غوری سمنت شرکتی‌نینگ قیته قوریش و سمنت ایشلب چیقاریش خصوصیده، مسؤول ای‌آی‌سی خصوصی شرکتی بیلن غوری سمنت شرکتی‌نینگ شرطنامه‌سی لغو ایتیلگن. سابق جمهور رئیس‌نینگ ایناغه‌سی محمود کرزی، ای‌آی‌سی شرکتی‌نینگ سهمدارلریدن بیری دیر.
خانم نهان گه کوره، اوشبو شرطنامه قویاش 1386- ییل‌ده ای‌آی‌سی شرکتی بیلن امضاءلنگن؛ بیراق بو شرکت حاضرگچه بیرگن سوزلریدن یالغیز 30% عمل‌گه آشیرگن.
کانلر و پترولیم وزیرلیگی سرپرستی‌نینگ ایتیشیچه، غوری سمنت شرکتی‌ده ای‌آی‌سی شرکتی 152 میلیون دالر سرمایه یاتقزیشی‌گه قرار قیلینگن ایکن، بیراق حاضرگچه 51 میلیون دالر سرمایه یاتقیزگن.
خانم نهان گه کوره، ای‌آی‌سی شرکتی اوتگن 10 ییل‌ده کانلر وزیرلیگی‌دن کمیده 13 میلیون دالر قرضدار بولگن و حاضرگچه حسابی‌نی تازه‌لمه‌گن.
اوشبو گزارش‌ده ای‌آی‌سی شرکتی مسؤول‌لری‌نینگ فکرلرینی اورگه‌نیش اوچون علاقه قوردیک، بیراق تکراری قونغیراقلر نتیجه‌سیده بو ایش‌گه مؤفق بولمه‌دیک.
