اولکه ایچکی ایشلر وزیرلیگی‌نینگ سوزلاوچی‌سی صدیق صدیقی‌نینگ 24- حمل‌ده بیر انجمنی ییغین اوتکزیب ایتیشیچه، طالب‌لر افغانستاننی هیچ نقطه سیگه حاکم ایمس.
جناب صدیقی، فاریاب اردوسی‌نینگ سوزلاوچی‌سی 21- حمل‌ده ولایت پولیسی ایکی قیشلاق و 3 امنیتی پوسته نی طالب‌لرگه تاپشیردی دیگن سوزی‌دن کیین بو مطلب‌نی بیان قیلدی.
صدیقی‌گه کوره، طالب‌لرنی یوقتیش اوچون ایریم ولایت‌لرگه نظامی پاکلش عملیات‌لر باشلنگن.
بدخشان جرم تومنی مذکور منطقه‌لردن بیری بولگن و 3 کوندن بویان امنیتی کوچلر بیلن طالب‌لر ارا توقنه شولر دوام ایتیب کیلماقده. شونینگ‌دیک، افغانستان حربی کوچلری واسطه‌سی بیلن عملیات‌لر یولگه قویلیب، 8 تشقی جنگری قوشیمچه 20 طالب اولیشی‌دن سونگ، اوز پایانیگه ایتگن.
مذکور اوروشلرده افغانستان امنیتی کوچلریدن58 عسکر هلاک بولگن و طالب‌لر رحم‌سیز حالده 28 عسکر باشینی آلگن.
صدیقی سونگی اوروشلرده بدخشان جرمی ده‌گی دشمن هجومی جدی تهدید ایدی؛ اما افغانستان خوف سیزلیک کوچلری، اولرنی اینگه‌یتیریشگه موفق بولگن دیگن.
شونینگ‌دیک، کینگش اعضالریدن بیری محمد ذکریا سودا، ایچکی ایشلر وزیرلیگی سوزلرینی رد قیلیب ایتیشیچه، حاضرهم جرم تومنی‌نینگ 80 فایزی طالب‌لر کنترولیگه ایکن‌لیگی‌نی تیلگه آلدی.
گزارشلرگه کوره، هلمند ولایتی‌نینگ ایریم تومنلریده طالب‌لر تسلطی بارلیگی‌نی کورسته‌دی.
مجلس اعضالریدن ینه بیری نعمت‌الله غفاری سلام‌وطندار بیلن تیلفونی سوزلشگن‌ده، مذکور ولایت ایریم تومنلری جمله‌دن بغران، نوازش و دیشو طالب‌لر اختیاریگه ایکن‌لیگی‌نی بیلدیره‌دی.
جناب غفاری، یاز موسمی‌ده طالب‌لر هجوم ایلتیش سانی یوقاری کیتگن‌لیگی‌دن خواطر کورسه‌تیب، هلمند شمالی تومنلری طالب‌لر قولیده و دولت امنیتی کوچلری ایسه نیچه مرکزی تومنلرده قالگن و باشقه منطقه‌ده طالب‌لر حکومت قیله‌دی.
کوپ زماندن بویان افغانستان ایریم منطقه‌سی، جمله‌دن غزنی، بلخ، بدخشان و خوست ولایت‌لری پارتلش و هجوم ایلتیش شاهدی ایدی، مذکور هجوملر ملکی و نظامی زیان‌لر بیلن بیرگه بولدی.
ایتیلیشیچه، کیله‌سی یقین پیت‌ده افغانستان طالب‌لربیلن تینچ‌لیک سوزله شیشلرگه شاهد بولیشی کوتیلردی؛ اما هرکون اوتیشی بیلن طالب‌لر هجومی آلدیندن کوره یوقاری سطح‌ده کوتریلیب بارماقده و ایش بیلرمانلرگه کوره، مذکور هجوملر تینچ‌لیک سوزله شیشلر اوچون خلل کیلتیره‌دی.
