.jpg)
افغانستان قاچقینلر مساله‌سی بوییچه وزیرلیک‌نینگ بلند مرتبه‌لی رسمیلری، یشش اوی جایلریدن آواره بولگنلرگه کومک قیلیشنی مدیریت ایتیش اینگ قیین بیر ایش دیگنلر. رسمیلر، ایچکی آواره‌لرگه همکارلیک قیلیش لایحه‌سی منتظم بولمه‌گن حالده، آواره بولگنلر قیشده قتییق کونلرگه قالیشی ممکن دیدیلر.
قاچقینلر وزیرلیگی نینگ مطبوعات مسوولی حفیظ میاخیل سلام وطندارگه بیرگن صحبتی دوامیده، ایچکی آواره‌لرنینگ وضعیتی‌گه ییتیشیش اوچون بو وزیرلیک دنیا یاردم ییتکزووچی تشکیلاتلری بیلن شرطنامه‌لرگه قول قویگن لیگینی اظهار قیلگن.
جناب میاخیل نینگ سوزلریگه کوره، اخیرگی نیچه آی ایچیده مملکت ایچکریسیده بیر میلیون کیشی (92مینگ عایله) اوی جایلریدن آواره بولیشگن. بو آواره‌لرگه دییرلی انسان پرورلیک یاردملر ییتکزیب بیریلمه‌گن حالده، بولرنینگ احوالی قیشده آغیر بولیشی ممکن.
.jpg)
مملکت قاچقینلر مساله‌سی بوییچه وزیرلیک‌نینگ مطبوعات بولیمی مسوولی، ایچکی آواره‌لرنی معلوم قیلیش اوچون تیکشیرو باشلنگن و (WFP) یا – ده دنیا آذیق آوقت تشکیلاتی ایسه 760مینگ آواره‌گه یاردم کورسه‌تیش اوچون تیارگرلیک کورستگن دیگن.
(UNHCR) یا بیرلشگن ملتلر تشکیلاتی عالی کمیشنرلیگی نینگ سوزلاووچیسی نادرفرهاد، مذکور تشکیلات افغانستان حکومتی نینگ تیگیشلی وزیرلیکلری همکارلیگی بیلن ایچکی آواره بولگن 25 مینگ خانه‌دانگه کومک قیلیش اوچون تیارگرلیک آلگن لیگینی ایتگن.
بی می تی عالی کمیشنرلیگی نینگ سوزلاووچیسی، بو اداره قیش فصلی ایچکی آواره‌لرگه یاردم ییتکزیب بیریش اوچون دییرلی سعی و حرکت آلیب باریشیگه قره‌مسدن، افغانستان حکومتی هم بو آواره‌لر قیته‌دن اوز یشش اوی جایلریگه قیتریلیشی اوچون لازم درجه‌ده عملی آدیملر کوتاریشیگه ضرورت بار دیگن.
هر ییل قیش فصلی ییتیب کیلیشی بیلن افغانستان بویلب ایچکی آواره‌لرنینگ وضعیتی کوتیلمه‌گن درجه ده یامان بوله‌دی. ایتیلیشیچه، حکومت ایسه مملکت ایچکریسیده‌گی آواره‌لر احوالی یخشی‌له‌نیشی اوچون دییرلی چاره تدبیر کوریشه موفق
بولمه‌گن.
