آمریکا جمهور رئیسی دونالد ترامپ نینگ قیزی ایوانکا ترامپ، اوز رسمی توییتر صحیفهسیده افغانستانلیک ربات توزهتووچی قیزلردن منتدارلیک بیلدیرگن. اونینگ اوز توییتر صحیفهسیده یازیشیچه: افغانستانلیک برچه ربات توزهتووچی قیزلردن کرونا ویروسی گه قرشی اوروش‌ده سهم آلگن‌لری اوچون منتدارلیک بیلدیره‌من.
ایوانکا ترامپ نینگ ایتیشیچه، بو تیم بیلن نیچه مرته اوچره‌شگنیم‌دن فخرلنه‌من و اولرنینگ بو ایشی‌دن شاشیندیم.
افغانستانلیک ربات توزهتووچی قیزلردن 5 ته‌سی کرونا ویروسی گه قرشی کوره‌ش گروهی گه قوشیلگن و تیز یورووچی موترلرنینگ پارچه‌لریدن صنعی تنفس اسکونه‌سی توزه‌تیشگن.
رویا محبوب، افغانستانلیک ربات توزهتووچی قیزلر گروهی نینگ اساسچیسی دیر. اونینگ ایتیشیچه، اوزی و تیمی‌دن یره‌لی افغانستان اوچون ینگی ایشیک‌لر آچیشی‌نی کوته‌دی و مملکت آبادانچیلیگی و آسایشته‌لیگی ده سهم آلیشنی ایسته‌یدی.
خانم محبوب، وقتی‌نی نیویورک و کابل آره‌سیده اوتکزه‌دی و حاضر افغانستانده ینگی پروژه اوستیگه ایش قیلماقده.
خانم محبوب گه کوره، ربات توزهتووچی تیم نینگ باشقه اعضالری کته-کیچیک پروژه‌لرنی اوستیگه ایش قیلیشماقده. تیم‌لردن بیری زعفران توپلاوچی اسکونه توزه‌تگن و باشقه بیر گروه ماین تازه‌لاوچی‌لرنینگ ایشی‌نی قولَی قیلگن.
ربات توزهتووچی قیزلرنینگ ینگی پروژه‌سی جاری ییل جوزا آیی‌ده آچیلیشی گه قرار قیلینگن ایدی، بیراق کرونا ویروسی کینگه‌ییشی اولرنینگ برنامه‌سی گه هم سایه توشیرگن.
مملکت ده کرونا ویروسی کینگه‌یگن بیرچاغده هرات حاکمی، بو ولایت نینگ کسلخانه‌لری صنعی تنفس اسکونه‌لری گه احتیاجلیگی‌نی ایتدی. اوشبو موضوع دن نیچه کون اوتگنیدن سونگ، ربات توزهتووچی قیزلر صنعی تنفس اسکونه‌سی توزه‌لگنیدن خبر بیریشدی.
رویا محبوب گه کوره، بو اسکونه‌لردن استثنایی و عاجل موضوعلردن ایش آلینه‌دی و اونینگ تیمی خودکار شکلده عمل قیله‌دیگن اسکونه اوستیگه ایش قیله‌دی.
خانم محبوب نینگ ایتیشیچه، اونینگ تیمی گروهی شکلده ایش قیلیشی اوچون عایله‌لری کرونا ویروسی گه چلینیش‌لریدن خواطرده دیر.
