طالبلر حرکتی ملادادالله منصور و ملا اخترمحمد منصور گروه‌لریگه ایکی بولینگندن کیین، اوشبو گروه‌لر اورته‌سیده بیرینچی مرته زابل ولایتی‌نینگ خاک افغان ولسوال‌لیگی‌ده توقنشوو یوزبیرگن، ایتیلیشیچه، بو ایکّی گروه اورته‌سیده هنوز هم آغیر توقنشوو دوام ایتماقده.
گزارش‌لرده مذکور توقنشوو جریانیده ایکّی تاماندن کمیده 30 کیشی هلاک ایتیلگنی ایتیله‌دی.
بوگون (شنبه) زابل ولایت والیسی‌نینگ سوزلاوچی‌سی گل اسلام سیال‌نینگ سلام‌وطندارگه ایتیشیچه، مذکور ایکّی گروه اورته‌سیده‌گی توقنشوو جمعه دن شنبه‌گه اوتر کیچه‌سی خاک افغان تومنی‌ده بیر – بیراو لری بیلن روپه ره بولگن‌ده یوز بیرگن. سیال، توقنشوو ساعت‌لب دوام ایتگن لیگینی تیلگه آلگن.
اما، ولایت‌نینگ ایریم امنیتی رسمیلری، اوشبو توقنشوو داعش بیلن طالبلر ارا یوز بیرگن دیگن‌لر.
زابل پولیس قوماندانی غلام جیلانی فراهی‌نینگ سلام‌وطندارگه بیلدیریشیچه، هنوزگچه هم توقنشو سببی انیق ایمس، لیکن اوروش‌نینگ سببی «منطقه‌ده قدرت کورستیش» دن کیلیب چیقیشی هم امکاندن اوزاق ایمس دیگن.
طالبلر هنوزگچه بو حقده بیرار نرسه دیمه‌گن
عین حالده، اوتگن هفته ملا دادالله منصور طالب‌لرنینگ سابق رهبری ملا عمر وفات قیلگن‌دن سونگ ینگی رهبر ایتیب تعین لنگن ملا اختر محمدمنصورنی طالب‌لرنینگ بعضی قوماندانلرینی اولدیرگن‌لیککه عیبله‌گن ایدی.
شونینگ‌دیک او، ملااخترمحمدمنصور قدرت‌گه ایریشیشی اوچون ایریم طالب‌لرنی منطقه استخبارات اداره‌سیگه تاپشیرگن لیگینی ادعا قیلگن.
بو بیرینچی مرته قورال‌لی طالبلر اورته‌سیده توقنشوو یوز بیره دی؛ بوندن آلدین هلمند، لوگر و ننگرهار ولایت‌لریده قورال‌لی طالبلر بیلن داعش حرکتی اورته‌سیده توقنشوو یوز بیرگن لیگی گزارش قیلینگن ایدی.
